Niekatorym žurnalistam ź Biełarusi zabaranili aśviatlać Alimpijadu
Francuzskija ŭłady adchilili ankiety karespandentaŭ z-za padazreńniaŭ, što tyja mohuć być špijonami.
Ułady Francyi zabaranili aśviatlać Alimpijskija hulni ŭ Paryžy niekatorym žurnalistam ź Biełarusi i Rasii, zajaviŭ kiraŭnik MUS krainy Žerald Darmanien, piša «Sputnik».
Pavodle jaho słoŭ, heta było zroblena dla taho, kab paźbiehnuć špijanažu i kibieratak.
«Mienš za sotniu ankiet my adchilili z-za padazreńniaŭ u tym, što jany zjaŭlajucca ahientami — špijonami abo infarmatarami zamiežnych dziaržaŭ, jakija imknucca da ŭmiašańnia ŭ Hulni», — skazaŭ Darmanien u intervju vydańniu Le Journal du Dimanche.
Darmanien paviedamiŭ, što było admoŭlena ŭ pravie aśviatlać Alimpijadu vialikaj kolkaści žurnalistaŭ z Rasii i Biełarusi, a taksama inšych krain, jakija čynoŭnik nie nazvaŭ.
Darmanien skazaŭ, što takim čynam ułady ŭžyvajuć «pryncyp zaściarohi», kab pradstaŭniki šerahu zamiežnych dziaržaŭ nie zmahli atrymać dostup da kampjutarnych sietak i ździejśnić kibierataku.
Letnija Alimpijskija hulni 2024 projduć z 26 lipienia pa 11 žniŭnia ŭ Paryžy, Paralimpijada adbudziecca z 28 žniŭnia pa 8 vieraśnia.
Mižnarodny alimpijski kamitet dapuściŭ spartsmienaŭ ź Biełarusi i Rasii na spabornictvy pry vykanańni šeraha kryteryjaŭ. Upieršyniu biełarusy vystupiać u niejtralnym statusie, zaprašeńnie na Hulni pryniali 17 atletaŭ z našaj krainy i 15 — z RF.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary