«Jany kruhłasutačna stajać?» Na Niamizie ludzi vystrailisia ŭ ahramieznuju čarhu — voś navošta VIDEA
Biełarusy zajmali čarhu zahadzia, kab paśpieć zapisacca ŭ «čaroŭny sšytak» u italjanskim vizavym centry.
19 lipienia ŭ centry Minska ŭ druhoj pałovie dnia ŭtvaryłasia vializnaja čarha — na piku ŭ joj było bolš za sotniu čałaviek. Čarhu zaŭvažyli na Niamizie. Akazałasia, ludzi stajać u italjanski vizavy centr.
Reč u tym, što ŭ piatnicu VC adnaviŭ zapis u sšytak žyvoj čarhi dla padačy na vizu. Heta taki miechanizm, jaki zamianiaje elektronnuju rehistracyju, jakuju časova zakryli, kab zmahacca z pasiarednikami.
Zapis u sšytak dazvalaje čałavieku atrymać numarok dla padačy dakumientaŭ. U čatach pišuć, što lik u sšytku pieravaliŭ za 18 tysiač — toj, chto zmoh zapisacca napiaredadni, atrymaje mahčymaść padacca na vizu, chutčej za ŭsio, tolki ŭ pačatku nastupnaha hoda. Ciapier padajucca na vizy tyja, chto ŭ sšytku znachodzicca ŭ rajonie 6-8 tysiač.
Zapisvajuć u žyvuju čarhu z 16-j da 17-j pa budnych dniach. Daśviedčanyja ludzi havorać, što ŭ zvyčajny dzień stajać pa paŭtary-dźvie hadziny nie pryjdziecca — takich čerhaŭ niama. Ažyjataž 19 lipienia byŭ vyklikany tym, što vizavy centr adkryŭ zapis paśla peŭnaha pierapynku.
Vialikaja kolkaść achvotnych atrymać italjanskuju vizu taksama źviazanaja z tym, što pa statystycy mienavita hetaja kraina admaŭlaje biełarusam radziej za inšych, tut taksama vyšejšy šaniec atrymać šmatrazovuju vizu na bolš praciahły termin.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary