Impart hruzavikoŭ z Kitaja pakłaŭ na łapatki nie tolki MAZ, ale i rasijskich vytvorcaŭ. Ale ciapier Maskva nie moža abmiežavać dostup da rynku z palityčnych pryčyn.
Jak piša The Moscow Times, hałoŭny rasijski vytvorca hruzavikoŭ — KamAZ za pieršaje paŭhodździe 2024-ha hoda rezka skaraciŭ čysty prybytak.
Zhodna sa spravazdačnaściu, jon abvaliŭsia ŭ 20 razoŭ. U toj ža čas vyručka źniziłasia tolki na 14,9%, prodažy — na 30%.
Takija vyniki pracy kiraŭnictva kancerna tłumačyć vysokimi pakazčykami minułaha hoda, jaki staŭ rekordnym pa prodažach, a taksama efiektam rostu koštu finansavańnia z-za pavyšeńnia staŭki Centralnaha banka.
Śpiecyjalisty, ź jakimi razmaŭlali žurnalisty, asnoŭnaj pryčynaj źnižeńnia pastavak techniki na rynak bačać vysokija abjomy dziaržzakazu va ŭmovach vajny. Adpaviedna statystycy, dola KamAZa na ajčynnym rynku skaraciłasia z 36% u 2022-m da 20% u 2023-m.
U takich umovach miesca kancerna na rynku zajmajuć kitajskija kampanii. U minułym hodzie ŭpieršyniu ŭ lidary prodažaŭ zamiest KamAZa vyjšaŭ kitajski Sitrak S7N. Kamiercyjnyja klijenty addajuć jamu pieravahu z-za istotna nižejšaj cany. Akramia hetaha, Sitrak S7N lahčejšy ŭ kiravańni proci KamAZa.
Ale, jak raskazali śpiecyjalisty, sioleta na popyt na kitajski hruzavik niehatyŭny efiekt akazvajuć prablemy z zapasnymi častkami, jakija davodzicca zamaŭlać naŭprost z Kitaja.
Zaŭvažym, što vialiki biełaruski vytvorca hruzavikoŭ — zavod MAZ — pierastavaŭ publikavać svaju spravazdačnaść pačynajučy z 2022 hoda. Adnak viadoma, što jaho dola na rasijskim rynku źniziłasia — taksama na karyść kitajcaŭ.
Maskva moža być i nie radaja vyciaśnieńniu svaich hruzavikoŭ, ale jana na hetym etapie nie moža abmiežavać dostup kitajcaŭ da rynku z palityčnych pryčyn, bo patrabuje kitajskich pastavak dla inšych siehmientaŭ ekanomiki ŭ situacyi zachodnich sankcyj i krytyčnych patreb VPK dla viadzieńnia vajny z Ukrainaj.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary