Advakat siamji Badry Patarkacyšvili Łaša Birkaja paviedamiŭ, što Hibrałtarski sud vynies rašeńnie, pavodle jakoha ŭsie aktyvy niabožčyka biźniesmiena naležać siamji.
Ciapier siamja niabožčyka moža rasparadžacca spadčynaj, na jakuju taksama pretendavaŭ hramadzianin ZŠA Džozef Kiej.
«Hibrałtarski sud adnaznačna ustanaviŭ, što Kieju ničoha nie naležyć u aktyvach Patarkacyšvili, u tym liku i ŭ Hruzii», — kaža Birkaja.
Pavodle słovaŭ advakata, Kieju zabaroniena ŭ budučyni rabić jakija‑niebudź jurydyčnyja dziejańni pa aktyvach i na jaho taksama ŭskładzieny apłata ŭsich sudovych vydatkaŭ.
Paśla śmierci Patarkacyšvili Kiej pradstaviŭ dakumienty, padpisanyja niabožčykam, što mienavita jon źjaŭlajecca rasparadčykam ŭsioj majomaści, jakaja dva hady tamu aceńvałasia ŭ $12 miljardaŭ. Siamja Patarkacyšvili śćviardžała, što hetyja dakumienty Kiej padrabiŭ.
Advakatam Kieja, nahadajem, byŭ niebieźviadomy Emanuił Zelcer,
što potym byŭ aryštavany ŭ Minsku (12 sakavika 2008 hoda) i pravioŭ u biełaruskaj turmie 15 miesiacaŭ.
Zelcer tady i pradastaviŭ testamient, u jakim śćviardžałasia, što rasparadžacca majomaściu Patarkacyšvili maje Kiej. Udava Patarkacyšvili zajaviła, što testamient padrobleny.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary