Kampanija «Fłahman Mjuzik» padała na Volhu Bondaravu sudovy pazoŭ ab abaronie honaru i dziełavoj reputacyi.
Spravu budzie razhladać ekanamičny sud Hrodzienskaj vobłaści 8 lipienia, piša Hrodna.life.
«Fłahman Mjuzik» zajmajecca pradziusavańniem i prasoŭvańniem artystaŭ i błohieraŭ. Siarod jaje klijentaŭ — papularny dziciačy błohier Dźmitryj Siŭčyk (Dzim Dzimyč).
I kampanija, i sam Dzim Dzimyč rehularna fihurujuć u telehram-kanale Bondaravaj.
Bondarava abvinavačvaje błohiera ŭ «ŁHBT-prapahandzie», admoŭnym staŭleńni da siłavikoŭ i prapahandzie «niapravilnych» pavodzinaŭ i patrabuje jaho zabaranić, jak i ŭsiu kampaniju «Fłahman Mjuzik».
Z 14 lipienia 2023 hoda žančyna ŭ svaim kanale zhadała Dzim Dzimyča 38 razoŭ.
Nakont Dzima Dzimyča i «Fłahman Ḿjuzik» jana navat pisała zvaroty ŭ Minkult i administracyju Łukašenki. Adnak čynoŭniki hetyja zajavy Bondaravaj faktyčna ihnarujuć.
Heta ŭžo nie pieršy taki pazoŭ, jaki atrymała Bondarava. Nie tak daŭno ź joj chacieŭ sudzicca haradzienski partał Grodno.in. Da suda sprava, adnak, nie dajšła — baki damovilisia praź miedyjatara. U vyniku Bondaravaj pryjšłosia pisać abviaržeńnie adnaho sa svaich pastoŭ.
Biasstrašnaja Volha Bondarava najechała na Łukašenku za jaho vystup na paradzie
Bondarava pabačyła niedachop patryjatyzmu ŭ arhanizacyi, jakoj kiruje Viktar Łukašenka
Ruskamirnaja mastačka Žyhimont aburyłasia z nahody pryznačeńnia Markava
Bondarava paprasiła prabačeńnia za Siałuk, ale zrabiła heta biez naležnaj pavahi
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary