Cichanoŭskaja pra muža: Roŭna hod nazad režym apošni raz pakazaŭ majho Siarhieja
Siarhiej Cichanoŭski doŭhi čas nie atrymlivaje listoŭ, jakija pišuć ich dzieci.
Śviatłana Cichanoŭskaja nie atrymlivała viestak ad muža Siarhieja Cichanoŭskaha z taho času, jak hod tamu było apublikavana videa ź im, zroblenaje ŭ kamiery ŭ Žodzinskaj turmie.
«Roŭna hod nazad režym apošni raz pakazaŭ majho muža. Z taho momantu ni my — jaho siamja — ni biełarusy ničoha nie viedajem pra Siarhieja, — kaža Śviatłana Cichanoŭskaja. — Jaho biesčałaviečnaje źniavoleńnie doŭžycca ŭžo bolš za čatyry hady. Majo serca razryvajecca ad dumki, što jon tam adzin. Biez mahčymaści bačyć, jak rastuć našyja dzietki, jak jany vučacca, śmiajucca i paznajuć štości novaje. Kožny dzień bieź jaho — heta vyprabavańnie, jakoje niemahčyma apisać słovami.
Miesiac tamu Karniej i Ahnija namalavali i prynieśli sa škoły paštoŭki da Dnia baćki. Siarhiej dahetul nie atrymaŭ hetyja padarunki, jak i nie atrymaŭ dziasiatki tysiač vašych listoŭ padtrymki. My pazbaŭlenyja ŭsich mahčymaściaŭ suviazi ź Siarhiejem, listoŭ nie atrymlivajuć navat našyja dzieci…
Ja padzialaju bol tysiačaŭ siemjaŭ palitźniavolenych — i razumieju, što takoje čakać viestački ad rodnaha čałavieka. U mianie taksama byvajuć momanty, kali ŭ dušy panujuć adčaj i biaśsille. Ale vašaja padtrymka nie dazvalaje apuskać ruki — i matyvuje praciahvać pracu. Mienavita ŭ takija momanty ja razumieju: tolki razam — praz dapamohu adno adnamu — my možam damahčysia, kab usie palitviaźni apynulisia na voli», — kaža demakratyčnaja lidarka.
Śviatłana Cichanoŭskavia zaznačaje, što kožny moža pryśpiešyć hety dzień: «napisać list ci paštoŭku, zrabić danat, vyjści na akcyju salidarnaści, padtrymać siemji palitźniavolenych. Nie byvaje maleńkaj dapamohi: kožny ŭčynak nabližaje nas da dnia, kali my zmožam abniać svaich rodnych».
Hod tamu, u kancy červienia — pačatku lipienia 2023 hoda, pačali raspaŭsiudžvacca čutki pra śmierć Siarhieja Cichanoŭskaha ŭ turmie ŭ Žodzina. Paśla taho jak Śviatłana Cichanoŭskaja zapatrabavała pakazać muža, telehram-kanały siłavikoŭ pakazali videa, datavanaje 5 lipienia, na jakim bačna, jak schudnieły Siarhiej robić niejkija praktykavańni ŭ kamiery, a potym jeść.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary
Što ž jana sama nie "napiša list ci paštoŭku, zrobić danat" mužu ŭ turmu i hetak dalej. Sama ž kaža, što "Siarhiej dahetul nie atrymaŭ hetyja padarunki, jak i nie atrymaŭ dziasiatki tysiač vašych listoŭ padtrymki".
To jaki sens paŭtarać staruju mantru, jakaja daŭno nie pracuje?