14‑hadovaja novaziełandka adbiłasia ad akuły doškaj dla bodybordynha
Vypadak zdaryŭsia ŭ paniadziełak u buchcie Oreci‑Bič, što niepadalok ad Invierkarhiła (samaja paŭdniovaja častka vostrava Paŭdniovy). U Novaj Ziełandyi, darečy, zaraz leta.
Pavodle słovaŭ maci dziaŭčynki Fijony Uord, jaje dačka Lidzija zajmałasia bodybordynham — raznavidnaściu siorfinha, kali da jaje raptoŭna padpłyła akuła dy ŭčapilisia ŭ ściahno.
14‑hadovaja Lidzija nie razhubiłasia, schapiła došku dla bodybordynha i pačała ź siłaj bić joj pa hałavie akuły.
Drapiežnica nie čakała takoha pavarotu padziej i spłyła.
Sama achviara napadu paźbiehła surjoznych paškodžańniaŭ šmat u čym dziakujučy dobramu hidrakaściumu.
Pavodle pryznańnia samoj Lidzii Uord, jana zrazumieła, što vypadkova nastupiła na akułu, ale zrazumieła, što taja napała na jaje, tolki kali ŭbačyła spałochany bratavy tvar.
Jak pryznałasia dziaŭčyna, jana šmat čytała pra napady akuł na sierfieraŭ i nyrcoŭ
dy skarystałasia atrymanaj infarmacyjaj u ekstranaj situacyi.
Pavodle słovaŭ 10-hadovaha brata Lidzii, akuła była prynamsi paŭtara mietra ŭ daŭžyniu.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary