Pamiežny kamitet Biełarusi ŭhledzieŭ «Ruski dobraachvotnicki korpus» na miažy z Ukrainaj
Biełaruskija pamiežniki prymajuć miery pa dadatkovym prykryćci dziaržaŭnaj hranicy z Ukrainaj.
«Dziaržaŭny pamiežny kamitet vałodaje źviestkami ab znachodžańni ŭ pałasie adkaznaści Žytomirskaha pamiežnaha atrada padraździaleńniaŭ tak zvanaha «Ruskaha dobraachvotnickaha korpusa». Zafiksavany rekahnascyroŭka miascovaści i aktyŭnaja raźviedvalnaja dziejnaść, u tym liku z vychadam da dziaržaŭnaj hranicy Respubliki Biełaruś», — havorycca ŭ paviedamleńni DPK.
«Uzdoŭž miažy rehularna adznačajucca raźviedvalnyja paloty ŭkrainskich bieśpiłotnych latalnych aparataŭ. Sproby zalotu bieśpiłotnikaŭ na našu terytoryju spyniajucca z vykarystańniem štatnaha ŭzbrajeńnia i techničnych srodkaŭ radyjoelektronnaj baraćby», — paviedamlaje Pamiežny kamitet.
26 červienia ŭ Jelskim rajonie pahraničny narad u vyniku prymianieńnia bajavoj zbroi i srodkaŭ padaŭleńnia spyniŭ parušeńnie pavietranaj prastory kvadrakoptaram, jaki ruchaŭsia z ukrainskaj terytoryi ŭhłyb Biełarusi. Bieśpiłotny latalny aparat prymusili pasadzić za 150 mietraŭ ad dziaržaŭnaj miažy.
«Na fłeš-karcie BPŁA znojdzieny videafajły, analiz jakich śviedčyć, što latalny aparat rabiŭ raźviedku pramysłovych abjektaŭ, jakija znachodziacca na pryhraničnaj terytoryi, a taksama pahraničnaj infrastruktury», — śćviardžaje DPK.
Napiaredadni na hetym ža napramku ŭ chodzie praviadzieńnia apieratyŭnych mierapryjemstvaŭ vyjaŭlena schovišča z kampanientami dla vyrabu samarobnych vybuchovych prystasavańniaŭ. Znojdzieny kantejniery z dvuma kiłahramami płastyčnaha vybuchovaha rečyva, vykanaŭčymi pryładami-uzryvalnikami z zapałami i detanatarami da ich.
Orhanami pahraničnaj słužby va ŭzajemadziejańni ź Ministerstvam abarony ažyćciaŭlajecca kompleks mierapryjemstvaŭ pa dadatkovym prykryćci dziaržaŭnaj hranicy, uzmacnieńniu kantrolu za pavietranaj prastoraj i vykanańniem režymu na pryhraničnaj terytoryi, dadaje DPK.
Nahadajem, što ź minułaha tydnia ŭ biełaruskich Uzbrojenych siłach prachodzić pravierka bojehatoŭnaści, asnoŭnyja padziei adbyvajucca ŭzdoŭž miažy z Ukrainaj.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku20
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary