U limuzinie Aurus, padoranym Pucinym Kim Čen Ynu, byli detali z Paŭdniovaj Karei
A heta kraina — luty vorah KNDR.
Mnohija detali ŭ limuzinie Aurus, jaki prezident Rasii Uładzimir Pucin padaryŭ padčas svajho vizitu ŭ KNDR lidaru Paŭnočnaj Karei Kim Čen Ynu, byli impartnymi, piša Deutsche Welle.
Kampanija Aurus Motors, jakaja vypuskaje hety aŭtamabil, vykarystoŭvaje detali na miljony dalaraŭ, jakija ŭvoziacca ź dziaržavy, jakuju Kim nazvaŭ «asnoŭnym voraham» svajoj krainy — Paŭdniovaj Karei. Heta pakazvaje na zaležnaść Rasii ad zachodnich technałohij.
Z 2018 da 2023 hoda dla zborki aŭtamabilaŭ i matacykłaŭ Aurus, zhodna z mytnymi zapisami, ź jakimi aznajomiłasia ahienctva Reuters, Rasija atrymała z-za miažy abstalavańnie i kamplektujučyja na sumu nie mienš za 34 młn dalaraŭ. Z Paŭdniovaj Karei byli impartavanyja kuzaŭnyja častki aŭtamabilaŭ, datčyki, vyklučalniki, zvaračnaje abstalavańnie i inšyja kampanienty na 15,5 młn dalaraŭ. Detali pastupali taksama z Kitaja, Indyi, Turcyi i krain ES.
Zamiežnyja pastaŭki dla Aurus Motors praciahvalisia i paśla poŭnamaštabnaha ŭvarvańnia Rasii va Ukrainu, pry hetym ź lutaha 2022 hoda było impartavana abstalavańnia i detalaŭ na sumu amal u 16 młn dalaraŭ, ź ich na 5 młn dalaraŭ z Paŭdniovaj Karei.
Aurus Motors i jaje hienieralny dyrektar Andrej Pankoŭ nie adkazali na zapyty Reuters z nahody vykarystańnia zamiežnych detalaŭ, u tym liku z Paŭdniovaj Karei, u aŭtamabilach kampanii.
Kamientary