Pytańnie było terminova vyniesiena na paradak dnia.
Novyja štrafnyja miery ŭ dačynieńni da režymu Łukašenki abmiarkoŭvajuć siońnia pasły krain Jeŭrapiejskaha Sajuza ŭ Brusieli. Pytańnie było terminova vyniesiena na paradak dnia, pakolki heta apošniaje pasiadžeńnie pastajannych pradstaŭnikoŭ pad kiraŭnictvam Bielhii, jakaja staršynstvuje ŭ Radzie ES. Z 1 lipienia staršynstva pa ratacyi piarojdzie da Vienhryi.
«Za apošnija miesiacy stała vidavočna, što asnoŭny abychod sankcyj (u dačynieńni da RF) adbyvajecca praź Biełaruś, — skazała dypłamatyčnaja krynica Deutsche Welle u Brusieli. — Kali my viali pieramovy pa 14-m pakiecie, my zasiarodzilisia tolki na Rasii, ale zastajecca ščylina, jakuju nieabchodna začynić».
Pa danych krynicy, u apošnija dni Jeŭrakamisija raspracoŭvała pakiet sankcyj u dačynieńni da Biełarusi, kab pryvieści jaho ŭ adpaviednaść z sankcyjnymi mierami ŭ dačynieńni da Rasii. «My razumiejem, što heta vielmi karotki termin, bo zvyčajna na heta patrabujecca niekalki tydniaŭ, — padkreśliŭ suraŭzmoŭca DW. —
Ale pa zrazumiełych pryčynach pieravažnaja bolšaść dziaržaŭ-členaŭ paličyli, što my pavinny pasprabavać paśpieć da 30 červienia».
Uviadzieńnie novych sankcyj u adnosinach da Biełarusi aktyŭna prasoŭvaje Bielhija. Kali jany buduć pryniaty na ŭzroŭni pasłoŭ 26 červienia, ich mohuć zaćvierdzić na samicie ES u Brusieli 27-28 červienia.
MAZ i BiełAZ praciahvajuć asprečvać sankcyi Jeŭrasajuza
ES uvioŭ sankcyi suprać BRSM, a taksama rasijskich śpievakoŭ Šamana i Paliny Haharynaj
Litoŭcy zajavili pra piacirazovaje pavieličeńnie sprobaŭ abyści sankcyi suprać Biełarusi i Rasii
Jeŭrasajuz pakul nie pryniaŭ rašeńnia adnosna novych sankcyj suprać Biełarusi
Ciapier čytajuć
Na mitynhu ŭ Vilni palicyja zatrymała pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary
Łukašenku jany nie kranajuć.
Jon panuje, jak i raniej.