Litoŭcy zajavili pra piacirazovaje pavieličeńnie sprobaŭ abyści sankcyi suprać Biełarusi i Rasii
U hrupie Litoŭskich čyhunak Lietuvos geležinkeliai (LTG) zajavili, što sproby abyści zachodnija sankcyi suprać Rasii i Biełarusi za apošnija try miesiacy ŭzraśli ŭ piać razoŭ. Kali ŭ sakaviku było zafiksavana 14 takich sprobaŭ, to ŭ mai — užo 74, pieradaje LRT.
Pa słovach kiraŭnika adździeła ŭstojlivaści biznesu hrupy LTG Hiedyminasa Šečkusa, choć jahonaja kampanija i ŭličvaje novyja tendencyi ŭ abychodzie sankcyj, jana pakul nie moža adkazać, čamu pačaścilisia sproby ich abyści. Mahčyma, heta sproba pravieryć efiektyŭnaść samoha sankcyjnaha kantrolu.
Jak śćviardžaje kiraŭnica hruzavoha pradpryjemstva LTG Cargo Ehle Šyme, u sakaviku kampanija na miažy raźviarnuła 4 vahony, u krasaviku — 10, a ŭ mai — 62.
Bolšaść parušeńniaŭ źviazana z transpartavańniem paliva abo naftapraduktaŭ. Za try miesiacy LTG Cargo nie zadavoliła nivodnuju zajaŭku na ich pieravozku ŭ Rasiju.
Kamientary