Polskija fiermiery raźlili śviny hnoj na miažy ź Biełaruśsiu — kab spynić mihrantaŭ-musulman
Fiermiery vyrašyli takim čynam dapamahčy pamiežnikam.
Polskija fiermiery, jakija ŭdzielničajuć u ahulnanacyjanalnym prateście, vyrašyli pravieści akcyju na miažy ź Biełaruśsiu. Jany raźlili śviny hnoj na pałasie ŭzdoŭž płota, kab spynić mihrantaŭ.
Fiermiery takim čynam vyrašyli dapamahčy pamiežnikam u ich baraćbie ź nielehalnaj mihracyjaj z terytoryi Biełarusi, paviedamlaje wp.pl.
«My pačynajem palivać pamiežnuju pałasu na polska-biełaruskaj miažy śvinym hnojem. My pakažam, što prajaŭlajem salidarnaść z polskimi siłavikami. My pakažam uładam, jak abaranić našu terytoryju», — raspavioŭ pradstaŭnik pratestnaha sajuza fiermieraŭ Damjan Muraviec.
Jaho kaleha adznačyŭ, što raźlivać hnoj fiermiery buduć tolki tam, dzie atrymajuć na hety dazvoł ad pahransłužby.
«Usio budzie zroblena pa zakonie. My spadziajemsia, što kali my razaljom śviny hnoj, nielehały nie piarojduć hetuju pałasu, kali buduć prytrymlivacca svajoj viery», — ličyć fiermier.
Udzielniki akcyi ličać, što bolšaja častka mihrantaŭ, jakija sprabujuć trapić u Polšču z terytoryi Biełarusi, vyznajuć isłam. U hetaj relihii śvińnia ličycca niačystaj žyviołaj.
Kali mienavita była praviedzienaja akcyja, nieviadoma. Z 13 červienia ŭ Polščy na miažy ź Biełaruśsiu dziejničaje bufiernaja zona, dostup hramadzian tudy abmiežavany.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary