Biełaruska zrabiła pierasadku brovaŭ i dzielicca pieražytym
U tyktoku nabiraje papularnaść rolik, u jakim biełaruska Vasilisa Stajan pakazvaje praces adnaŭleńnia paśla transpłantacyi brovaŭ. «Užo i brovy pierasadžvajuć?» — dziviacca kamientatary. «Anłajnier» daviedaŭsia ŭ dziaŭčyny, jak jana navažyłasia na niezvyčajnuju praceduru i ci zadavolenaja vynikam.
«U junactvie było modna nasić tonkija, pieraščypanyja brovy, i ja stała achviaraj hetych trendaŭ, — raskazała Vasilisa. — Ale z uzrostam pryjšło ŭśviedamleńnie: naturalnyja brovy — heta toje, čaho ja chaču».
Kab zrabić brovy mary, Vasilisa vyrašyła pajechać u Stambuł. Pa słovach dziaŭčyny, Turcyja — viadučaja kraina pa pracedurach transpłantacyi vałasoŭ. Praŭda, biez składanaściaŭ nie abyšłosia.
«Ale navat u Turcyi znajści kliniku, u jakoj robiać pierasadku brovaŭ, było niaprosta. Ja chacieła ŭbačyć nie tolki videa pracesu, ale i vyniki pracy praź niejki čas. Taksama dla mianie byli važnyja suadnosiny cany i jakaści».
Cikavaje pytańnie, jakim zadajucca ŭ siecivie: adkul biaruć vałasy?
U adnym z rolikaŭ Vasilisa pakazała byccam paholenuju patylicu. Pa słovach dziaŭčyny, mienavita z hetaj častki hałavy ŭziali 800 hraftaŭ (elemientaŭ vałasianoj tkanki z falikułami vałasoŭ) i transpłantavali ŭ brovy.
«Sama pracedura zaniała čatyry hadziny i prajšła paśpiachova. Na reabilitacyju pajšło vosiem dzion. Dyskamfort byŭ u pieršyja sutki paśla pracedury, bo na patylicy była paviazka i spać na śpinie było niekamfortna. Acioki i siniaki pad vačyma mianie nie biantežyli, ja vielmi spakojna naviedvała ludnyja miescy».
Što tyčycca vyniku, to jon pakul nie kančatkovy. Vasilisa tłumačyć: z momantu pierasadki treba čakać ad 6 da 12 miesiacaŭ. Tamu i sama dziaŭčyna pakul nie moža adkazać, nakolki jana zadavolenaja.
U kamientarach da «zalaciełaha» rolika mierkavańni padzialilisia. Adnym zdajecca, što brovy ŭ dziaŭčyny adroźnivajucca pamiž saboj pa šyryni, inšyja pytajucca, ci nie praściej było zrabić piermanientny makijaž, a voś trecija chvalać za śmiełaść.
Sama Vasilisa da padvyšanaj uvahi za apošnija dni stavicca spakojna i lohka prymaje luboje mierkavańnie.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś24
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy88
Kamientary
Pieriesadka mozha pomohła by, chotia by ot vorony!