Vučonyja raspracavali vakcynu, jakaja dapamoža katam pražyć da 30 hadoŭ
U čym jaje efiekt?
Jak paviedamlaje Brisant.de, u Japonii paśpiachova prajšła vyprabavańnie novaja vakcyna, jakaja dapamahaje palepšyć pracu nyrak u katoŭ, jakija pakutujuć na chraničnuju chvarobu nyrak — zachvorvańnie, jakoje dyjahnastujecca ŭ kala 30% hetych žyvioł va ŭzroście zvyš 10 hadoŭ i źjaŭlajecca pryčynaj ich zaŭčasnaj śmierci.
Samaja vialikaja prablema ŭ tym, što hetaja chvaroba doŭhi čas zastajecca niezaŭvažnaj, a kali jaje simptomy prajaŭlajucca, to lačeńnie moža tolki zapavolić praces.
U 2015 hodzie śpiecyjalist pa imunałohii Toru Mijadzaki znajšoŭ białok — inhibitar apaptozu makrafahaŭ (IAM) — jaki dapamahaje nyrkam vyvodzić taksiny. Hety białok prysutničaje ŭ kryvi jak čałavieka, tak i šmat jakich žyviołaŭ, ale mienavita ŭ katoŭ jon nie zaŭsiody funkcyjanuje naležnym čynam, što robić ich usprymalnymi da nyrkavaj niedastatkovaści.
Mijadzaki pryjšoŭ da vysnovy, što dadatkovaje ŭviadzieńnie AIM moža nie tolki praduchilić zachvorvańnie nyrak, ale navat vylečyć zachvorvańnie. Praviedzienaje im u 2018 hodzie daśledavańnie zaśviedčyła stanoŭčy ŭpłyŭ na žyćcio myšej.
U 2022 hodzie vučony zmoh sabrać z usiaho śvietu kala 2 miljonaŭ dołaraŭ achviaravańniaŭ na svaju raspracoŭku. U dalejšym jon syšoŭ z prafiesarskaj pasady ŭ Takijskim univiersitecie i całkam pryśviaciŭ siabie raspracoŭcy preparata AIM dla košak.
Vučony razam sa svajoj kamandaj spadziajecca, što novaja vakcyna zmoža supraćdziejničać zachvorvańniam nyrak i padoŭžyć žyćcio našych hadavancaŭ da 30 hadoŭ.
Kamanda Mijadzaki aktyŭna pracuje nad tym, kab vakcyna była dastupnaj pa košcie dla ŭsich uładalnikaŭ katoŭ. Jaje vychad na rynak čakajecca da 2027 hoda. Ciapier u Japonii ŭ prodažy jość karmy dla katoŭ, jakija ŭzbahačanyja AIM.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary
Pišu, pakul čakaju ŭ čarzie ŭ paliklinicy
Staryj kot niefkusnaja, očień miaso žostkij.