U parłamiencie Francyi zaklikali pamianiać nazvu Biełarusi pa-francuzsku
Deputat francuzskaha parłamienta Frederyk Peci, kiraŭnik parłamienckaj hrupy daśledavańniaŭ Biełarusi, źviarnuŭsia ŭ Francuzskuju akademiju ź inicyjatyvaj pamianiać nazvu Biełarusi na francuzskaj movie. Jahony zvarot apublikavaŭ daradca Śviatłany Cichanoŭskaj Francišak Viačorka.
Ciapier pa-francuzsku nazva našaj krainy hučyć jak Biélorussie, a deputat Peci prapanuje nazvu, blizkuju da toj, jakoj nazyvajuć svaju krainu sami biełarusy, Bélarus.
Raniej z takoj inicyjatyvaj vystupali taksama biełarusy Francyi i biełaruskija demakratyčnyja siły.
«Raniej my padymali ź imi heta pytańnie, i voś pajšoŭ praces», — piša Viačorka.
Deputat Peci pryvodzić roznyja histaryčnyja, moŭnyja i palityčnyja arhumienty na karyść pierajmienavańnia. Jon śćviardžaje, što staraja nazva źviazanaja z akupacyjaj Biełarusi Rasijskaj impieryjaj. Sami ž biełarusy chočuć, kab ich krainu nazyvali pa-novamu, jak heta ŭžo robicca ŭ AAN i inšych bujnych arhanizacyjach.
Francuzskaja akademija — hałoŭnaja ŭstanova ŭ vyznačeńni standartaŭ francuzskaj movy.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Nazvy majuć etymałohiju i značeńnie, treba kab nośbit movy jaje razumieŭ.
Bełarus -- hučyć dla Francuzaŭ, Niemcaŭ, Brytancaŭ i h.d. u adzinym šerahu z takimi nazvami jak Burundzi, Brunej, Bienin, Butan i Barbados.
To bok jak niejkaja niedarečnaja afrykanskaja kraina.
Lepiej niachaj by zastavałasia Bielorussie, Byelorussia. Paraŭnajcie z Polonia, Germania, Italia, Graecia, Hispaniae, Lithuanie, Russia, Brittania. Nazvy sa spradviečnaj łacinskaj etymałohijaj, jakaja lokka čytajecca na słych.
Belarus -- heta jak čyrvona-zialony saŭkovy zakat nad bałotam dy pachavalny vianok zamiest narmalnych hieraldyčnych tradycyjnych symbalaŭ bčb dy Pahoni.
Heta movieton, vulharščyna dy kałchoz.