U Manholii zatrymali aktyvistaŭ, jakija pratestavali suprać vizitu Łukašenki
Manholski hramadski ruch «Nie vajnie» zładziŭ akcyju pratestu suprać vizitu Alaksandra Łukašenki ŭ krainu. Aktyvisty vyjšli na płošču Suche-Batar u stalicy krainy, dzie ich zatrymała palicyja, piša «Radyjo Svaboda».
Kiraŭnika ruchu pratrymali ŭ pastarunku 2,5 hadziny. Jon adznačyŭ, što heta była ŭžo 112-ja akcyja ŭ padtrymku Ukrainy, ale ciapier aktyvisty pratestavali jašče i suprać pryjezdu Łukašenki.
«Łukašenka źjaŭlajecca vajennym złačyncam pavodle mižnarodnaha kryminalnaha prava. Pakolki Manholija dałučyłasia da Kanviencyi, jana abaviazanaja aryštavać Łukašenku, jak tolki jon prybudzie ŭ Manholiju. Adnak abjavić heta dziaržaŭnym vizitam vysokaha ranhu i prytulić hetaha čałavieka ŭ krainie na čatyry dni pad pieršakłasnaj achovaj — heta akt, jaki padpadaje pad mižnarodnyja sankcyi. Heta pavodziny, jakich nie pavinna być u źniešniaj palitycy Manholii.
Łukašenka — paplečnik kiraŭnika Rasii Pucina. Jahonamu vizitu supraćstajali, bo pavodle Kryminalnaha kodeksa jon źjaŭlajecca vajennym złačyncam», — patłumačyŭ palityčny dziejač akcyju.
Udzielniki ruchu zajavili, što zafiksujuć paboi i buduć skardzicca na niezakonnaje zatrymańnie.
Były prezident Manholii zaklikaŭ aryštavać Łukašenku, kali jon prylacić u hetu krainu
Łukašenka: Pucin dziejničaje va Ukrainie jak Čynhischan
Łukašenka vučyŭ manhołaŭ, jak treba trymać uładu
Ministr Kubrakoŭ prapanavaŭ, kab biełaruskija źniavolenyja šyli formu i manholskim siłavikam
Łukašenka dabraŭsia da Ułan-Batara
Kamientary