U dyrektaraŭ 22 lashasaŭ zabrali premii za toje, što «pahulalisia»
U Minskaj vobłaści adbyłosia vyjaznoje pasiadžeńnie kalehii Minlashasa, paviedamlaje telehram-kanał viedamstva. Siarod inšaha abmierkavali jakaść pradukcyi, jakuju vypuskajuć lashasy, i heta stała padstavaj dla taho, kab ministr lasnoj haspadarki Alaksandr Kulik uźjeŭsia na padnačalenych.
Akazałasia, što častka lashasaŭ praihnaravali daručeńnie ab uviadzieńni ŭ siabie asobnaj pasady inžyniera pa jakaści.
U suviazi z hetym Alaksandr Kulik zajaviŭ:
«Była pastanova kalehii — šerah dyrektaraŭ vyrašyli «pahulacca» i nie vykanali jaje. Minimum na 3 miesiacy pakinuć usich, chto nie vykanaŭ pastanovu, biez premij pa pramysłovaj dziejnaści».
Takich dyrektaraŭ, jakija «pahulalisia», naličyli ažno 22 čałavieki. Kulik abiacaje na budučyniu i bolš krutyja miery ŭ zaležnaści ad taho, «jak usio ž taki budzie vykanana ci nie vykanana heta daručeńnie paśla».
Ciapier čytajuć
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik1
Kamientary