Ukrainski dron 26 maja atakavaŭ radyjołakacyjnuju stancyju dalokaha vyjaŭleńnia celaŭ «Varoniež M», raźmieščanuju ŭ horadzie Orsk Arenburhskaj vobłaści RF.
Surazmoŭca «Ukrainskaj praŭdy» ŭ HUR paviedamiŭ, što ŭkrainski bieśpiłotnik pieraadoleŭ adlehłaść bolš za 1800 kiłamietraŭ da abjekta supiernika, ustalavaŭšy novy rekord dla dronaŭ-kamikadze».
Nastupstvy ataki nieviadomyja.
Rasijskija pabliki pisali, što pad Orskam upaŭ BPŁA, a metaj bieśpiłotnika, «mahčyma, byŭ vajskovy abjekt».
Raniej najbolš addalenaj metaj, atakavanaj ukrainskimi bieśpiłotnikami, byŭ abjekt u horadzie Sałavat respubliki Baškartastan RF, raźmieščany na 140 kiłamietraŭ bližej da ŭkrainskaj miažy ŭ paraŭnańni z Orskam.
«Varoniež M» zjaŭlajecca častkaj siamiejstva rasijskich stacyjanarnych nadharyzontnych radyjołakacyjnych stancyj vialikaj dalokaści. Jany pryznačany dla vyjaŭleńnia kaśmičnych i aeradynamičnych abjektaŭ, u pryvatnaści, balistyčnych i kryłatych rakiet. Uvachodzić u sistemu adbićcia jadziernaha napadu.
Raniej zjaviłasia infarmacyja ab atacy dronaŭ na inšuju radyjołakacyjnuju stancyju hetaha siamiejstva «Varoniež DM», raźmieščanuju ŭ pasiołku Hłyboki Krasnadarskaha kraju. Ataka adbyłasia 23 maja, u vyniku čaho na terytoryi abjekta pačaŭsia pažar.
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary