Łukašenka nazvaŭ Usiebiełaruski narodny schod «palityčnaj jadziernaj zbrojaj Biełarusi» i nie viedaje, što ź im rabić
Alaksandr Łukašenka, vyhladaje, nie viedaje, što rabić z toj hruvastkaj sistemaj, jakuju jon stvaryŭ. Dla UNS, meta stvareńnia jakoha była adna — stać achoŭnym barjeram dla zachavańnia ŭłady Łukašenki — u realnym žyćci nie mohuć znajści miesca.
Siońnia Łukašenka, jaki taksama źjaŭlajecca staršynioj Usiebiełaruskaha narodnaha schodu, pryniaŭ z dakładami namieśnika staršyni UNS Alaksandra Kosinca i načalnika sakrataryjata UNS Valeryja Mickieviča. Im jon zadaŭ pytańnie, jak ciapier budavać sistemu.
«Ja prasiŭ vas, kab vy surjozna z zacikaŭlenymi i adkaznymi asobami padumali pra toje, jak nam vybudavać sistemu pracy z delehatami Usiebiełaruskaha narodnaha schodu. Nam treba było vyznačycca i pa struktury: jak my budziem dziejničać u Sakrataryjacie i naohuł jakaja budzie struktura ŭ krainie.
Struktura i sistema. Nam treba spłanavać pracu, tamu dla nas buduć važnyja i płany pracy – i Prezidyuma UNS, i ŭ cełym delehataŭ», — skazaŭ Łukašenka.
Łukašenka pacikaviŭsia, što ŭžo zroblena ŭ hetym napramku.
«Što treba ŭ dadzienym vypadku ad mianie dla taho, kab zapuścić hetuju mašynu? <…>
Nam vielmi važna pakazać hramadstvu i delehatam, što jany nie pavinny padmianiać inšyja orhany ŭłady. UNS — heta niejkaja palityčnaja jadziernaja zbroja, jakaja vykarystoŭvajecca ŭ vyklučnych vypadkach. Prymajucca rašeńni tolki stratehičnaha charaktaru», — skazaŭ jon.
Ciapier čytajuć
Rasijskaja błohierka-miljońnica, jakaja zhańbiłasia ź biełaruskaj movaj, zapisała videa z tłumačeńniami — ale tak i nie vybačyłasia33
Kamientary
Pierakład z łukašenkaŭskaj movy na čałaviečuju:
- Hetyja butaforskaja imitacyja niejkaha pradstaŭnictva z maich kišennych małpaŭ - ništo i kličuć jaho nijak. Jany niešta skažuć albo "vyrašać" tolki pa majmu zahadu.