Da deputata bundestaha ad «Alternatyvy dla Hiermanii», jaki pryjazdžaŭ u Biełaruś, pryjšli ź pieratrusami
Prakuratura Miunchiena pačała rasśledavańnie ŭ dačynieńni da deputata Bundestaha ad pravapapulisckaj «Alternatyvy dla Hiermanii» Piatra Bystrana.
Ranicaj u čaćvier u jaho praviali pieratrusy ŭ niekalkich pamiaškańniach u Bierlinie, Bavaryi i na Majorcy. Bystrana padazrajuć u chabarnictvie i admyvańni hrošaj, piša DW Belarus.
Pieratrusy pravodziać 11 prakuroraŭ i kala 70 palicyjantaŭ. Padčas śledčych dziejańniaŭ byli kanfiskavany dakumienty i nośbity infarmacyi, jakija, pavodle słoŭ pradstaŭnikoŭ prakuratury, «ciapier analizujucca na pradmiet najaŭnaści dokazaŭ, jakija abvinavačvajuć abo apraŭdvajuć».
Rasśledavańnie suprać Bystrana źviazana sa spravaj vakoł prarasijskaj prapahandysckaj płatformy Voice of Europe. U kancy sakavika ŭłady Čechii zajavili, što raskryli «sietku ŭpłyvu, jakaja finansujecca z RF», jakaja zajmałasia raspaŭsiudam rasijskaj prapahandy ŭ Jeŭropie i podkupam jeŭrapiejskich palitykaŭ. Častkaj hetaj schiemy, pavodle ich źviestak, źjaŭlajecca Voice of Europe.
Na sajcie płatformy, suprać jakoj pasły Jeŭrasajuza napiaredadni ŭzhadnili ŭviadzieńnie sankcyj, rehularna publikavalisia zakliki jeŭrapiejskich palitykaŭ spynić dapamohu Ukrainie.
Niekatorym aŭtaram hetych zaklikaŭ, jak śćviardžaje češskaje vydańnie Denik N, za heta płacili hrošy. Kankretnych imionaŭ češskija žurnalisty nie nazyvajuć, ale adznačajuć, što ŭ tym liku na sajcie publikavalisia intervju siabraŭ AdH — Piatra Bystrana, a taksama deputata Jeŭraparłamienta ad hetaj partyi Maksimilijana Kra. Bundestah raniej uchvaliŭ rasśledavańnie suprać Bystrana. Amal usie parłamienckija frakcyi prahałasavali «za», ustrymałasia tolki frakcyja AdH.
U listapadzie 2022 hoda Bystran tajemna pryjazdžaŭ u Biełaruś — hetuju infarmacyju jon schavaŭ ad svaich kaleh. Tady, pavodle jaho słoŭ, jon sustrakaŭsia ź ministram zamiežnych spraŭ Uładzimiram Makiejem, a taksama z deputatam Andrejem Savinych. Akramia hetaha, jon mieŭ sustrečy z pradstaŭnikami biełaruskich praŭładnych arhanizacyj — Biełaruskaha fondu miru i Biełaruskaha instytuta stratehičnych daśledavańniaŭ.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary