Aryštavali hałoŭnaha kadravika Minabarony Rasii, jaki raniej uznačalvaŭ Słužbu achovy dziaržaŭnaj tajamnicy
Zatrymali načalnika hałoŭnaha ŭpraŭleńnia kadraŭ Minabarony RF Juryja Kuźniacova.
13 maja ŭ 235-m harnizonnym vajskovym sudzie prajšło pasiadžeńnie nakont abrańnia miery strymańnia ŭ vyhladzie ŭziaćcia pad vartu Juryja Kuźniacova, piša Baza.
Napiaredadni bujny vajskovy telehram-kanał «Rybar» zajaviŭ, što Juryj Kuźniacoŭ nie źjaviŭsia na pracoŭnym miescy, bo ŭ dačynieńni da jaho prajšli śledčyja dziejańni.
«Nakolki nam viadoma, pad uvahu śledstva trapiła dziejnaść Kuźniacova jak raz-taki na pasadzie kiraŭnika słužby abarony dziaržtajamnicy, a nie jaho kadravyja spravy», — paviedamiŭ «Rybar».
Reč u tym, što Kuźniacoŭ da taho, jak stać načalnikam upraŭleńnia kadraŭ, uznačalvaŭ Vośmaje ŭpraŭleńnie Hienštaba US RF, hetaje viedamstva ŭznačalvaje Słužbu abarony dziaržaŭnaj tajamnicy.
Zatrymańnie Kuźniacova źviazana z zamienaj Siarhieja Šajhu na Andreja Biełavusava na pasadzie ministra abarony.
«Pačalisia pradkazalnyja čystki ŭ Minabarony: u tym liku ŭ dačynieńni da ludziej, jakija tak ci inakš zapeckanyja ŭ niepryjemnych epizodach», — reziumuje «Rybar».
Miarkujučy pa kartatecy, materyjał ab abrańni miery strymańnia ŭ vyhladzie ŭziaćcia pad vartu na jaho pastupiŭ 13 maja ŭviečary ŭ toj ža dzień sud razhledzieŭ hety materyjał (pakul nieviadoma, jakoje rašeńnie vynies sud).
Aficyjnaj infarmacyi ab zatrymańni Kuźniacova na dadzieny momant nie było.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary