Rasija sprabuje nastupać na Charkaŭ. Havorycca ab intensiŭnych bajach
U internatach Biełharada rychtujuć punkty časovaha raźmiaščeńnia biežancaŭ.
Adrazu niekalki rasijskich pravajennych telehram-kanałaŭ paviedamili ab masiravanym napadzie pa terytoryi Charkaŭskaj vobłaści, jaki pačaŭsia kala 11-j ranicy. Pa danych z-«vajenkaraŭ», rasijskaja armija nanosić udary pa nasielenych punktach Haptoŭka, Krasnaje, Pylnaja, Stralečča, Vałčansk i Barysaŭka. Paviedamlajecca ab intensiŭnych bajach.
Raniej karespandent u Biełharadzie raskazvaŭ, što ŭ apošnija dni ŭ horadzie zasiarodžana vialikaja kolkaść vajskoŭcaŭ, piša Sotavision.
Akramia taho, u biełharadskich internatach pačali razhortvać punkty časovaha raźmiaščeńnia dla biežancaŭ. Pra heta SOTAvision raspaviała ananimnaja krynica, jakaja ŭdzielničaje ŭ padrychtoŭcy punktaŭ časovaha raźmiaščeńnia (PČR).
«Sialić buduć u čatyroch internatach kaledžaŭ. U krajnim vypadku — padklučać adzin z haradskich univiersitetaŭ. Rychtujuć PČRy, chutčej za ŭsio, dla šabiekincaŭ», — raspavioŭ surazmoŭca, blizki da Biełharadskaj administracyi.
Krynica taksama źviazvaje padrychtoŭku PVRaŭ z mahčymym nastupam US RF na Charkaŭskuju vobłaść, pra jaki ŭ tym liku pišuć rasijskija «vajenkary».
Jon taksama paviedamiŭ SOTAvision nazvy kaledžaŭ, u jakich płanujecca razharnuć internaty, ale ź mierkavańniaŭ biaśpieki kanał ich nie nazyvaje.
-
«Vialikaja savieckaja armija pieramahaje małuju savieckuju armiju». USU stali prajhravać na poli boju paśla viartańnia da starych praktyk
-
U 14 nasielenych punktach Danieckaj vobłaści abviaścili abaviazkovuju evakuacyju siemjaŭ ź dziećmi
-
Ukraina maje piać klučavych patrabavańniaŭ u ramkach urehulavańnia vajny
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary
Heta cytata z paviedamleńnia Charkaŭskaj VCA.