Rasijskija prapahandysty ŭsio starajucca ažyvić Kadyrava. Hetym razam ź jaho zrabili niezvyčajnaha asiłka
Pamočnik kiraŭnika Čačni Ramzana Kadyrava, pra krytyčny stan zdaroŭja jakoha apošnim časam chodzić šmat čutak, jakija nijak nie ŭdajecca pierakanaŭča abvierhnuć, zapościŭ videa, na jakim jahony šef, jaki nie nadta ŭpeŭniena pavodziŭ siabie na ŭčarašniaj inaŭhuracyi Pucina, vyhladaje sapraŭdnym vołatam.
Na videa, jakoje apublikavała dziaržaŭnaje ahienctva «RIA Novosti», Kadyraŭ nibyta tolki ŭłasnymi siłami ciahnie pazadarožnik Toyota Land Cruiser.
Raniej top-prapahandystka Marharyta Simańjan u svaim telehram-kanale raskazała, što sustrełasia z Kadyravym u Kramli, i ŭ jaho nibyta vydatnaje zdaroŭje.
Miž tym, miarkujučy pa zdymkach z učarašniaj inaŭhuracyi Pucina, Kadyravu na hetym mierapryjemstvie było vidavočna ciažka. Źniać vopratku jamu dapamahali adrazu dva čałavieki. A fota, jakoje pavinna było, vierahodna, pakazać padtrymku kiraŭnika Čačni ad jaho paplečnikaŭ, vyhladaje tak, nibyta Kadyraŭ sam nie moža stajać.
«Novaja hazieta Jeŭropa» raniej apublikavała rasśledavańnie pra surjoznuju chvarobu Kadyrava. Pavodle vydańnia, «stan zdaroŭja 47-hadovaha Ramzana Kadyrava nie pakidaje nadziej na jaho vylačeńnie».
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary