Mierkavańni4949

Šrajbman adkazaŭ Knyroviču: Jak pry takim padychodzie možna ličyć siabie biełaruskim palitykam?

U novym vypusku jutub-kanała «Mnie taksama nie padabajecca» błohier i pradprymalnik Alaksandr Knyrovič zrabiŭ rezanansnuju zajavu: jon za toje, kab «biełarusy mieli mahčymaść jeździć u «Akropalis», ale jamu «nie škada ludziej, jakija stajać na miažy, zusim nie škada». Arciom Šrajbman adreahavaŭ na heta.

 Arciom Šrajbman

Šrajbman uzhadvaje, što jon niadaŭna kazaŭ pra kryzis identyčnaści biełaruskich demsiłaŭ, što ŭžo nie zaŭsiody i nie ŭsim zrazumieła, kaho jany pradstaŭlajuć i za čyje intaresy zmahajucca. 

«I tut Alaksandr Knyrovič bliskuča prailustravaŭ, što ja mieŭ na ŭvazie», — piša jon. 

Šrajbman dadaje, što pakolki Alaksandr — adzin ź lidaraŭ adnaho sa śpisaŭ na vybarach u Kaardynacyjnuju radu, to jaho možna nazyvać palitykam, «navat niahledziačy na taki navatarski padychod da baraćby za hałasy vybarščykaŭ». 

«Hety vypusk «Mnie taksama nie padabajecca» byŭ cikavym z punktu hledžańnia roznych viektaraŭ empatyi ŭdzielnikaŭ prahramy. U kahości bolš empatyi da biełarusa, jaki staić na miažy ŭ sutačnaj čarzie, kab, naprykład, ubačyć svaich dziaciej i ŭnukaŭ, jakija nie mohuć viarnucca ŭ krainu, abo vydychnuć ad zmroku ŭnutry krainy, ci navat prosta pavandravać.

I pazicyja takoha biełarusa — praz čarhu racyjanalizujecca, biarecca jak punkt adliku, jak lehitymny intares, za prava na realizacyju jakoha biełaruski palityk u emihracyi pavinien zmahacca. 

U kahości bolš empatyi da jeŭrapiejskaha biurakrata abo polskaha konsuła. Mienavita ŭ ich stanovišča chočacca ŭvajści, jany stanoviacca «svaim bokam», ich dziejańni abo biaździejnaść treba racyjanalizavać.

Heta značyć hieapalityčny kantekst, ahulny padychod da ŭsich biełarusaŭ i ŭsiakija słužbovyja abmiežavańni z žyćcia jeŭrapiejskaha čynoŭnika stanoviacca tym punktam adliku, zychodziačy ź jakoha chočacca rastłumačyć novuju realnaść biełarusam unutry krainy, jakija ŭsio nijak hetuju realnaść nie zrazumiejuć, i jakich, adpaviedna, nie škada, jakija pavinny paciarpieć, raz užo apynulisia pa toj bok rova. 

Razumieć, uličvać i ŭmieć rastłumačyć abiedźvie hetyja pazicyi — narmalna, i navat nieabchodna. Nakiroŭvać svaju empatyju ŭ bok ad biełarusaŭ, a nie da biełarusaŭ — taksama naturalna dla niejkaj častki emihrantaŭ. Składana šmat hadoŭ asacyjavać siabie z tymi, chto daloka, a nie z tymi, chto blizka.

Ale praciahvać pry takim padychodzie ličyć i pazicyjanavać siabie biełaruskim palitykam, heta značyć vyraźnikam intaresaŭ choć niejkaj značnaj kolkaści biełarusaŭ — voś što ŭražvaje majo ŭjaŭleńnie», — piša Šrajbman.

Kamientary49

  • Vład
    06.05.2024
    [Red. vydalena]
  • Pro
    06.05.2024
    [Red. vydalena]
  • Tak
    06.05.2024
    [Red. vydalena]

Ciapier čytajuć

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ5

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Usie naviny →
Usie naviny

«Stracili ŭsio, akramia žyćcia». 85 hadoŭ tamu ŭnuka prezidenta Hrodna vyvieźli z horada ŭ čamadanie — zaraz jon pa krupinkach uznaŭlaje historyju siamji2

Šmatdzietnaha baćku-viernika pryznali jašče i terarystam1

Kampanija Trampa budzie vypuskać imiannyja mabilniki ź cikavym taryfnym płanam2

Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja2

Biełaruski eks-ministr pryros aktyvam u Polščy, ale nie zabyvaje pra Rasiju3

Pad Danieckam rasijski vajskoviec złaviŭ žonku z paluboŭnikam, vyviez jaho ŭ pole i rasstralaŭ z aŭtamata7

Iłan Mask apublikavaŭ vyniki analizaŭ mačy na narkotyki5

Rasijanin vyskačyŭ u Litvie ź ciahnika padčas ruchu, jaho šukaje palicyja1

Jak adroźnić časovaje vypadzieńnie vałasoŭ ad abłysieńnia? Tłumačyć trychołah

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ5

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić