Kreml patłumačyŭ rašeńnie ab vučeńniach jadziernych sił la miažy z Ukrainaj
Heta adkaz na zajavy zachodnich lidaraŭ adpravić vojski va Ukrainu, zajaviŭ Dźmitryj Piaskoŭ.
Zapłanavanyja vučeńni Rasii dla pavyšeńnia hatoŭnaści niestratehičnych jadziernych sił źviazanyja z zajavami aficyjnych asob z Zachadu pa temie adpraŭki ŭzbrojenych kantynhientaŭ va Ukrainu. Pra heta paviedamiŭ žurnalistam pradstaŭnik prezidenta Rasii Dźmitryj Piaskoŭ, piša RBK.
Jon rastłumačyŭ, što havorka idzie pra słovy francuzskaha prezidenta Emanuela Makrona, brytanskich pradstaŭnikoŭ i pradstaŭnikoŭ sienata ZŠA.
«Jany kazali pra hatoŭnaść i navat namier adpravić uzbrojenyja kantynhienty va Ukrainu, heta značyć faktyčna vystavić žaŭnieraŭ NATO pierad rasijskimi vajskoŭcami. Heta zusim novy vitok eskałacyi napružanaści. Jon biesprecedentny, jon patrabuje asablivaj uvahi i asablivych zachadaŭ», — dadaŭ Piaskoŭ.
Prezident Uładzimir Pucin raniej kazaŭ, što zachodnija ŭzbrojenyja siły ŭ vačach Maskvy buduć intervientami.
«My tak da hetaha i stavicca budziem, navat kali jany źjaviacca na terytoryi Ukrainy. Jany heta razumiejuć», — ličyć jon.
Ab praviadzieńni ŭ najbližejšy čas vučeńniaŭ rasijskaj armii «pa praktyčnaj adpracoŭcy pytańniaŭ padrychtoŭki i prymianieńnia niestratehičnaj jadziernaj zbroi», abviaściła hetaj ranicaj Minabarony Rasii.
U manieŭrach voźmuć udzieł rakietnyja złučeńni Paŭdniovaj vajskovaj akruhi z pryciahnieńniem avijacyi i vajenna-marskoha fłotu.
Minabarony RF anansavała vučeńni, padčas jakich budzie adpracavana prymianieńnie taktyčnaj jadziernaj zbroi
Si: KNR maje namier pracavać z Francyjaj dla «vyrašeńnia ŭkrainskaha kryzisu»
Makron znoŭ zahavaryŭ pra adpraŭku vojskaŭ va Ukrainu
Makron: Jeŭropie pahražaje hibiel, joj treba budzie pryniać važnyja rašeńni
Ci ŭviadzie NATA va Ukrainu svaje vojski? Mierkavańni zachodnich ekśpiertaŭ
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary