Stała viadoma, čamu ŭ «DNR» etničny ŭkrainiec rasstralaŭ šaściarych sasłužyŭcaŭ i ŭciok
Telehram-kanał «VČK-OHPU» paviedamiŭ akaličnaści rasstrełu šaściarych čałaviek.
VČK-OHPU stali viadomyja matyvy, jakija mahli pryvieści da rasstrełu ŭ «DNR» vajskoŭcam Juryjem Hałuškam šaściarych tavaryšaŭ pa słužbie, uklučajučy kamandzira. Jon pajšoŭ słužyć, kab zarabić na apieracyju pa adnaŭleńni zroku — jon byŭ paŭślapy.
A ŭzłavanaść Hałuški pryjšła paśla taho, jak jaho maci, jakaja pražyvaje ŭ Charkavie, trapiła pad mocny abstreł rasijskich vojskaŭ, atrymała traŭmu, na fonie jakoj u jaje adbyŭsia insult.
VČK-OHPU stała viadoma ab tym, što siłaviki «DNR» dapytali adzinuju svajačku Juryja Hałuški. Jaho byłuju žonku Natallu Hałušku ŭnačy dastavili ŭ adździeł palicyi (u Biełharadskaj vobłaści, dzie jany žyli raniej) i skazali, što šukajuć eks-muža z-za taho, što jon nibyta nie źjaviŭsia na pastrajeńnie. Žančyna raskazała, što Juryj naradziŭsia ŭ Charkavie ŭ siamji vieterana Vialikaj Ajčynnaj vajny. Jahony baćka pamior u 2011 hodzie.
Praz dva hady paśla hetaha jon ažaniŭsia z Natallaj i pierajechaŭ da jaje ŭ Biełharadskuju vobłaść. U pary dvoje dziaciej.
Hałuška słužyŭ terminovuju słužbu (pryzyvaŭsia ŭ Maskvie, ale słužyŭ na Urale), pracavaŭ na zavodzie mastavych mietałakanstrukcyj achoŭnikam. Byłoha muža Natalla apisała jak spakojnaha i nie ahresiŭnaha čałavieka. Bolš za ŭsio Jury lubiŭ čytać: zachaplaŭsia kłasičnaj litaraturaj i fantastykaj. Jakich-niebudź patałohij i chraničnych chvarob u jaho nie było.
Apošni raz Natalla bačyła byłoha muža ŭ listapadzie 2023 hoda, kali jon pryjazdžaŭ u hości na dzień naradžeńnia syna. Juryj skardziŭsia na zrok, vielmi drenna bačyŭ, a dapamahła b tolki apieracyja, jakuju jamu nie paciahnuć pa finansach. Kab zarabić hrošaj jon i pajšoŭ u vojska.
Potym u Hałuški zdaryłasia hora. Jaho maci žyła adna ŭ Charkavie. Jon vielmi pryviazany da jaje i sprabavaŭ pierakanać žančynu pierajechać u Rasiju, ale jana pažadała zastacca ŭ svaim domie.
Niadaŭna, padčas abstrełu jana biehła ŭ padvał da susiedziaŭ, kab schavacca, i złamała ruku, a śledam, na fonie pieražytaha, zdaryŭsia insult. Žančyna znachodzicca ŭ ciažkim stanie.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary
Charkavie, trapiła pad mocny abstreł rasijskich vojskaŭ, atrymała traŭmu,
na fonie jakoj u jaje adbyŭsia insult.