Karol Vialikabrytanii Karł III nieŭzabavie vierniecca da vykanańnia hramadskich abaviazkaŭ paśla projdzienaha kursu lačeńnia ad ankałahičnaha zachvorvańnia. Viartańnie Karła III čakajecca ŭ pačatku traŭnia, paviedamiła pres-słužba Bukinhiemskaha pałaca.
«Jaho Vialikaść karol nieŭzabavie vierniecca da vykanańnia hramadskich abaviazkaŭ, źviazanych sa źjaŭleńniem na publicy, paśla pieryjadu lačeńnia i adnaŭleńnia, jaki adbyŭsia z-za jaho niadaŭniaha rakavaha dyjahnazu», — havorycca ŭ paviedamleńni Bukinhiemskaha pałaca.
Brytanski karol razam z žonkaj Kamiłaj naviedajuć centr pa lačeńni rakavych zachvorvańniaŭ, dzie sustrenucca ź lekarami i pacyjentami. Taksama jany čakajuć u červieni sustrečy ź japonskim impierataram Naruchita i jahonaj žonkaj Masaka.
Bukinhiemski pałac zajaŭlaje, što karol nie budzie pravodzić poŭnuju letniuju prahramu mierapryjemstvaŭ, a temp jaho viartańnia budzie «staranna vyvierany». Lubaja hramadskaja praca, u jakoj voźmie ŭdzieł karol, budzie abvieščanaja bližej da leta i budzie zaležać ad rekamiendacyj lekaraŭ.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy13
Kamientary
👑 ala, alo, ale... Ale ž vykručvajuć jany čamuści imi tolki ŭładaram. A voś bolš-mienš zvyčajnym ludziam pakidajuć jak i jo — uzhadajma Čarli Čaplina.
🥃 Miarkuju, biełarusam taksama treba nazyvać brytanskaha manarcha Čarlam. Bo słova heta nijak nia reža našym słych, a, naadvarot, mnohim jaho łahodzić. I asabliva tym, chto lubić prykładacca da napojaŭ pad ahulnaj nazvaju «čarniła», Ala, a-la «čarlik»...