Asudzili maci traich dziaciej ź Viciebska, jakaja zabiła siakieraj kotku i jaje kacianiat, a videa vykłała ŭ sacsietki
Piedahohi pryjšli ŭ žach ad ubačanaha i zachacieli zabrać dziaciej ź siamji.
Žycharka Viciebska spačatku prytuliła biazdomnuju kotku z kacianiatami, a potym zabiła žyvioł siakieraj, bo joj nie spadabalisia ich pavodziny. Videa ździejśnienaha «pakarańnia» jana vykłała ŭ sacsietcy, raskazaŭ aficyjny pradstaŭnik Śledčaha kamiteta Alaksandr Suchadolski.
Usio adbyłosia letam minułaha hoda. U milicyju pastupiła paviedamleńnie, što ŭ sacsietkach źjaviłasia fatahrafija z vyjavaj hałavy zabitaj koški i videazapisu «pakarańnia», piša Smartpress.by.
Śledčyja ŭstanavili, što staronka i raźmieščany na joj rolik naležyć 40-hadovaj žančynie.
Milicyi, jakaja pryjechała da žančyny dadomu, žančyna raspaviała, što kotka i troje jaje kacianiat byli biazdomnymi, jana zabrała ich da siabie dadomu viasnoj. Adnak u niejki momant joj nie spadabałasia pavodziny adnaho kacianiaci, jaki padčas hulniaŭ padrapaŭ joj nohi. Tamu žančyna adsiekła jamu hałavu siakieraj. Paźniej joj nie spadabałasia, što druhoje kaciania hučna miaŭkaje — i jana zabiła jaho takim ža čynam. A praź niekatory čas zabiła i samu kotku. Treciamu kacianiaci ŭdałosia ŭciačy.
«Fota i videa, jakija jana vykładvała ŭ sacyjalnyja sietki, sapraŭdy pryvodzili ŭ žach. Na videa jana ŭ pramym sensie adsiakaje hałavu kacianiaci i pačynaje hulać jak futbolnym miačom», — raspavioŭ Suchadolski.
Śledčyja vyśvietlili, što pieršymi na videa adreahavali supracoŭniki dziciačaha sadka, u jaki chodzić małodšaja dačka abvinavačanaj. Suchadolski ŭdakładniŭ, što ŭ siamji, akramia małaletniaj dački, jašče i 16-hadovy syn. Treciaje dzicia ŭžo paŭnaletniaje i nie žyvie z mamaj.
Piedahohi pryjšli ŭ žach ad ubačanaha i zachacieli zabrać dziaciej.
«Ahresiŭnaja žančyna nie pahadziłasia addać dziaciej piedahoham i navat schapiłasia za siakieru. Ale znoŭ ža trahiedyi ŭdałosia paźbiehnuć, supracoŭniki milicyi jaje zatrymali», — paviedamiŭ Suchadolski.
Pa vynikach sudova-psichijatryčnaj ekśpiertyzy ŭstanoŭlena, što žančyna mahła ŭśviedamlać faktyčny charaktar i hramadskuju niebiaśpieku svaich dziejańniaŭ, a taksama kiravać imi. Joj vystaŭlenaje abvinavačvańnie pavodle č. 2 art. 339-1 KK (žorstkaje abychodžańnie z žyviołaj).
Sudom jaje pryznali vinavataj, joj pryznačana pakarańnie: paŭtara hoda pazbaŭleńnia voli.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB20
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ22
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ2
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
Čieho oni nie sudiat zabojŝikov na miasokombinatach ?
Počiemu nie sudiat pojedatielej trupov śvińniej i korov ???
Čym śvińnia chužej koški ?