Biełaruski režysior Andrej Hniot pa-raniejšamu znachodzicca ŭ turmie ŭ Sierbii ŭ čakańni rašeńnia suda ab ekstradycyi. Jon prosić pisać jamu listy pra toje, jak biełarusy trapili pad represii, ale zmahli vyjści na volu.
List Andreja z takoj prośbaj apublikavała pres-sakratar Narodnaha antykryzisnaha ŭpraŭleńnia Julija Haračaja, piša Reform.news.
Viedaju, što sotni tysiač z vas prajšli praz kipciury AMAPa, žach krataŭ i rospačy. Što vy adčuvali, kali kašmar skončyŭsia i svaboda zaźziała ŭ vašym aknie? Jak heta, raskažycie kali łaska?! Kožnaja historyja z chepi-endam — heta maja nadzieja jakuju ja nie mahu stracić», — napisaŭ Andrej.
Pisać Andreju možna pa adrasie: Andrey Gnyot, 11050 Serbia, Centralni zatvor, Bačvanska 14, Beograd (Voždovac).
Andrej Hniot — viadomy biełaruski žurnalist, režysior telerekłamy i muzyčnych klipaŭ. U 2020 hodzie Andrej dapamahaŭ zasnavać «Svabodnaje abjadnańnie spartsmienaŭ SOS BY», aśviatlać pratesty ŭ ŚMI, adyhraŭ važnuju rolu ŭ pracesie admieny ČS pa chakiei.
Andreja zatrymali ŭ Sierbii ŭ kastryčniku 2023 hoda na zapyt biełaruskich uładaŭ, jakija abviaścili jaho ŭ vyšuk praź Interpał. Abarona Andreja zmahajecca za toje, kab admianić jaho ekstradycyju ŭ Biełaruś, dzie jaho mohuć čakać katavańni. U śniežni 2023 hoda sud pieršaj instancyi ŭchvaliŭ ekstradycyju, ale ŭ sakaviku 2024 hoda Vyšejšy sud (Apielacyjny) admianiŭ rašeńnie i adpraviŭ spravu na pierahlad. Sprava była pierahledžana ŭ pačatku krasavika. Ciapier čakajecca rašeńnie sudździaŭ Vysokaha suda Białhrada.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary