Abjaŭleny pieršy ŭ śviecie konkurs pryhažości siarod štučnych madelaŭ. Pieramožca atrymaje amal stolki ž, kolki i «Mis Biełaruś»
Novy konkurs atrymaŭ nazvu «Mis ŠI» («Mis Štučny Intelekt») i ŭžo źbiraje zajaŭki ad pieršych niejrasietkavych udzielnic. U sudziejskaj kalehii, jak akazałasia, taksama buduć štučnyja madeli, pra adnu ź jakich my pisali raniej.
Hłabalnaja inicyjatyva pa adsočvańni dasiahnieńniaŭ ŭ halinie ŠI World AI Creator Awards (WAICA) u supracoŭnictvie z bujnoj płatformaj pa stvareńni niejrasietkavaha kantentu Fanvue abjaviła nabor zajavak na pieršy ŭ śviecie konkurs pryhažości siarod štučnych madelaŭ-žančyn.
Da ŭdziełu ŭ konkursie «Mis ŠI» dapuskajucca žyvyja aŭtary nie maładziejšyja za 18 hadoŭ razam sa svaimi štučnymi madelami, jakija taksama pavinny vyhladać pa-darosłamu. Druhoj abaviazkovaj umovaj źjaŭlajecca aktyŭnaść štučnaj madeli ŭ sacsietkach, kab žury mahło acenić ich avatary i inšyja fatahrafii.
«Acenka kandydatak budzie adbyvacca pa kryteryjach daskanałaści i praŭdapadobnaści ich vizualnaj vyjavy kłasičnym standartam žanočaj pryhažości, kreatyŭnaści i ŭnikalnaści madelaŭ, a taksama pa ich navykach uzajemadziejańnia z aŭdytoryjaj i adkazach na asabistyja pytańni, jakija budzie zadavać sudziejskaja kalehija», — paviedamlajuć arhanizatary konkursu «Mis ŠI».
U samoj kalehii, akramia zvyčajnych sudziaŭ, taksama buduć štučnyja madeli, a mienavita dźvie virtualnyja žančyny z aktyŭnymi i papularnymi akaŭntami ŭ sacsietkach. Pra adnu ź ich, Ajtanu Łopies, «Naša Niva» pisała jašče ŭ minułym hodzie.
Jak adznačajuć arhanizatary «Mis ŠI», pieramožca konkursu atrymaje hrašovy pryz u pamiery 5000 dalaraŭ. Jašče adnyja 5000 dalaraŭ buduć vydatkavanyja na PR-padtrymku sacsietak madeli-pieramožcy, a samomu aŭtaru jašče daduć dostup da prahramy nastaŭnictva pa navykach pracy z ŠI na sumu 3000 dalaraŭ.
Druhoje i treciaje miescy atrymajuć anałahičnyja pryzy, ale ŭ mienšym pamiery.
Kali brać tolki hrašovy hanarar za pieršaje miesca, to štučnaja pieramožca konkursu «Mis ŠI» atrymaje amal stolki ž, kolki i «Mis Biełaruś — 2023» Eleanora Kačałoŭskaja, jakoj, pavodle praviłaŭ, dali pryz u pamiery 500 bazavych vieličyń (18500 biełaruskich rubloŭ pa kursie bazavaj vieličyni za 2023 hod, ci kala 5700 dalaraŭ pa aficyjnym kursie na momant finału konkursa).
«Mis Biełaruś — 2023» nie zmahła adkazać, chto napisaŭ «Paŭlinku»
Sam nabor na konkurs «Mis ŠI» skončycca 10 maja.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju11
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary