Zialenski: U nas zastałosia 0 rakiet, tamu rasijanie źniščyli Trypolskuju CES
Prezident Uładzimir Zialenski raskazaŭ, što rasijanie zdoleli źniščyć Trypolskuju CES, pakolki va Ukrainy poŭnaściu skončylisia rakiety dla jaje abarony na fonie niedachopu dapamohi ad sajuźnikaŭ. Pra heta Zialenski skazaŭ u intervju PBS, paviedamlaje «Jeŭrapiejskaja praŭda».
Zialenski kamientavaŭ sumiesnuju abaronu Izraila sajuźnikami, jakija ŭ minułyja vychadnyja adbili iranskuju ataku. Pa jaho słovach, Izrail sam nie zmoh by abaranicca ad takoha masiravanaha ŭdaru ź iranskaha boku.
«Było zadziejničana šmat usiaho, čaho nie chapaje Ukrainie… Heta sapraŭdy demanstracyja taho, što takoje sajuźniki nie na papiery, a ŭ niebie», — skazaŭ jon, dadaŭšy, što Ukraina abaraniaje nieba samastojna.
Jon padkreśliŭ, što sajuźniki dajuć Ukrainie tuju ci inšuju techniku, ale «ź joj u nas deficyt».
«Ja vam pryviadu adzin prykład, vielmi prosty: na Trypolskaj stancyi, ad jaje zaležyć śviatło ŭ kijeŭskim rehijonie. Lacieli 11 rakiet. Pieršyja siem my źniščyli, čatyry źniščyli Trypolle. Čamu? Tamu što było rakiet nul. U nas skončylisia ŭsie rakiety, jakija abaraniali Trypolle», — raspavioŭ jon.
Napiaredadni Zialenski paśla pasiedžańnia Staŭki viarchoŭnaha hałoŭnakamandujučaha zajaviŭ, što zachodnija dziaržavy mohuć hetak ža dapamahčy Ukrainie abaranicca ad rasiejskich napadaŭ, jak i Izrailu — padčas iranskich udaraŭ.
U Biełym domie zajavili, što ZŠA admovilisia ad luboha bajavoha ŭdziełu ŭ vajnie va Ukrainie, tamu nie buduć źbivać iranskija drony, jakija zapuskaje Rasija, jak jany z sajuźnikami zrabili heta ŭ minułyja vychodnyja ŭ Izraili.
Ciapier čytajuć
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju1
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary
Vyrabić i dać miljardy snaradaŭ, armiju bredli, stada leapardaŭ, sotniu PETRYJOTAŬ, tysiaču štorm šedoŭ i TAŬRUSAŬ.
Taksama adremantavać DniepraHES za try dni i adkryć druhi front na Bałtycy.
Kali jon hetaha nie robić, to, napeŭna, prosta nia choča, kiepski zachad!