Viadomy vučony ŭ halinie ekśpierymientalnaj i kliničnaj niejrafizijałohii, akademik, doktar miedycynskich navuk, zahadčyk centra mozhu ŭ Instytucie fizijałohii Akademii navuk Biełarusi Uładzimir Kulčycki pajšoŭ z žyćcia ŭ 76 hadoŭ.
Pra heta paviedamlaje BiełTA sa spasyłkaj na pres-słužbu NAN Biełarusi.
Svajo žyćcio Uładzimir Kulčycki pryśviaciŭ raźvićciu sučasnych ujaŭleńniaŭ ab funkcyjanavańni mozhu i niejronavych sietak u normie i patałohii.
Raźvitańnie z akademikam adbudziecca 16 krasavika z 10.30 da 12.00 u Vialikaj kanfierenc-zale NAN Biełarusi (Minsk, praśpiekt Niezaležnaści, 66, 2-i pavierch). Hramadzianskaja panichida pačniecca ŭ 11.30.
Uładzimir Kulčycki naradziŭsia ŭ Čycinskaj vobłaści (Rasija) u siamji vajskoŭca. U 1972 hodzie z adznakaj skončyŭ Kujbyšaŭski miedycynski instytut. Z 1989 hoda na praciahu 45 hadoŭ pracavaŭ u Instytucie fizijałohii Nacyjanalnaj akademii navuk Biełarusi i prajšoŭ prafiesijny šlach ad navukovaha supracoŭnika da akademika, namieśnika dyrektara pa navukovaj rabocie i kiraŭnika Centra mozhu.
U 1998 hodzie jamu prysvojena zvańnie prafiesara, U 2000 hodzie byŭ abrany členam-karespandentam NAN Biełarusi, u 2017 hodzie — sapraŭdnym členam (akademikam) NAN Biełarusi.
Uładzimir Kulčycki — aŭtar bolš za 400 navukovych prac, u tym liku 21 manahrafii, 29 patentaŭ na vynachodnictvy. Jon raspracoŭvaŭ inavacyjnyja mietady lačeńnia nieŭrałahičnych zachvorvańniaŭ.
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary