U Minskim rajonie na prybirańnie kamianioŭ z paloŭ mabilizavali asudžanych na «chatniuju chimiju»
Čynoŭniki vyrašyli nie paŭtarać pamyłak kaleh z Hrodna.
Biełarusaŭ, jakija adbyvajuć «chatniuju chimiju», adpravili prybirać kamiani z pola kala vioski Marypal Samachvałavickaha sielsavieta, paviedamlaje pristalica.by.
Pa słovach načalnika kryminalna vykanaŭčaj inśpiekcyi Minskaha RUUS Julii Kulčyckaj, da pracy pryciahvajuć tych, u kaho niama aficyjnaj pracy. U inšyja pory hoda asudžanych adpraŭlajuć prybirać liście, śmiećcie abo śnieh.
Usiaho na poli ŭ hety dzień pracavali 20 čałaviek. Ci płaciać im za pracu, nie paviedamlajecca.
Pytańnie ab šmatlikaści kamianioŭ na palach padniaŭ Alaksandr Łukašenka padčas niadaŭniaha vizitu ŭ Hrodzienskuju vobłaść. Jon navat pahražaŭ za heta kiraŭniku abłvykankama Uładzimiru Karaniku i svajmu pamočniku pa vobłaści Juryju Karajevu turmoj.
Paśla adjezdu Łukašenki na ŭborku kamianioŭ na Hrodzienščynie masava mabilizavali biudžetnikaŭ, vučniaŭ i studentaŭ.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary