Ułady Minska ŭzhadnili adkryćcio sioleta 608 letnich teras kala kaviarniaŭ. U 2023-m ich pracavała ŭsiaho 524, paviedamlaje ahienctva «Minsk-Naviny» sa spasyłkaj na načalnika hałoŭnaha ŭpraŭleńnia handlu i pasłuh Minharvykankama Alenu Nahornuju.
«Letnija terasy jak praciah załaŭ kaviarniaŭ, baraŭ i restaranaŭ, karystajucca papularnaściu ŭ naviedvalnikaŭ, tamu takaja forma handlu raźvivajecca.
Pryrodnaja viasna ŭ hetym hodzie pačałasia rana, tamu subjekty haspadarańnia ŭžo viaduć padrychtoŭku da adkryćcia letnich teras. 320 letnich kaviarniaŭ zapracujuć da 15 krasavika, astatnija 288 adkryjucca da 1 traŭnia», — skazała Nahornaja na naradzie ŭ Minskim harvykankamie.
Čynoŭnica ŭdakładniła, što najbolšaja kolkaść letnich teras zasiarodžanaja ŭ centry horada i ŭzdoŭž asnoŭnych praśpiektaŭ.
Staršynia Minharvykankama Uładzimir Kucharaŭ, u svaju čarhu, daručyŭ prapracavać pytańnie adkryćcia letnich teras i ŭ spalnych rajonach.
«U horadzie chapaje dobrych miescaŭ, nie tolki ŭ centry, dzie možna ŭładkavać terasy dla adpačynku žycharoŭ», — skazaŭ jon, adznačyŭšy taksama, što na ŭsich letnich terasach u stalicy pavinna być hodnaje kvietkavaje afarmleńnie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Abaviazkova kab ludzi travilisia dymam ad praśpiektaŭ padčas prymańnia ježy? Jak tam, ankołahi ŭ paliklinikach jość?