Kiraŭnik kampanii Tesla, amierykanski miljarder Iłan Mask nazvaŭ datu premjery rabatyzavanaha taksi Tesla, paviedamlaje Reuters.
«Robataksi ad Tesla budzie pradstaŭlena 8 žniŭnia», — napisaŭ Mask na svajoj staroncy ŭ sacsietcy X.
Jon nazvaŭ hetuju datu nieŭzabavie paśla taho, jak Reuters sa spasyłkaj na krynicy paviedamiła, što amierykanskaja aŭtakampanija admoviłasia ad płanaŭ vypuścić niedarahi masavy elektramabil, ale zachavała płany raspracoŭki rabatyzavanaha taksi na jaho płatformie.
Pavodle infarmacyi Reuters, kampanija Tesla pieradumała vypuskać biudžetny elektramabil z-za vysokaj kankurencyi ŭ hetym siehmiencie z kitajskimi vytvorcami elektramabilaŭ. Praŭda, Iłan Mask u adkaz na heta napisaŭ u sacsietcy Ch, što «Reuters chłusić (znoŭ)».
Paśla źjaŭleńnia naviny ab admienie płanaŭ pa vytvorčaści tannych elektramabilaŭ akcyi Tesla ŭpali na 6%, ale nieŭzabavie viarnuli častku koštu. A paśla zajavy Maska pra rabatyzavanaje taksi akcyi Tesla vyraśli bolš čym na 3%.
Samaja tannaja ź ciapier najaŭnych na rynku mašyn Tesla — siedan Model 3. U ZŠA hetaja mašyna pradajecca pa canie 39 000 dalaraŭ. Čakałasia, što novy «biudžetny» elektramabil pad pracoŭnaj nazvaj Model 2 kaštavaŭ by kala 25 000 dalaraŭ. U toj ža čas kitajskija vytvorcy pradajuć ułasnyja aŭtamabili pa canie kala 10 000 dołaraŭ.
Kampanija Iłana Maska pakazała, jak pieršy čałaviek z užyŭlenym čypam Neuralink hulaje ŭ šachmaty siłaj dumki
U Iłana Maska raptam abjaviŭsia «syn z Kienii». Prosić hrošaj na «ŭźjadnańnie z baćkam»
Kampanija Iłana Maska znoŭ straciła kaśmičny karabiel Starship u vyprabavalnym palocie. Heta ŭžo treci raz
Mask abvinavaciŭ u padpale na zavodzie Tesla ŭ Niamieččynie «tupych ekaterarystaŭ»
Kamientary