Facebook amal dziesiać hadoŭ davaŭ čytać kampanii Netflix asabistyja paviedamleńni karystalnikaŭ
Asabistyja paviedamleńni karystalnikaŭ dapamahali bujnoj stryminhavaj płatformie adaptavać svoj kantent.
Jak paviedamlaje Daily Mail, apublikavanyja ŭ kancy sakavika sudovyja dakumienty, padadzienyja ŭ krasaviku minułaha hoda ŭ ramkach bujnoha antymanapolnaha isku suprać Meta, padobna, raskryli składanyja adnosiny pamiž dvuma najbujniejšymi hulcami Kramianiovaj daliny.
Pavodle sudovych dakumientaŭ, Netflix i Facebook «na praciahu amal dziesiaci hadoŭ znachodzilisia ŭ asablivych adnosinach», a płatforma sacyjalnych sietak davała stryminhavaj płatformie «indyvidualny dostup» da danych karystalnikaŭ.
Na «indyvidualnyja partniorskija adnosiny i intehracyju, jakija dapamahli ŭdaskanalić madeli tarhietynhu i ranžyravańnia rekłamy Facebook» kampanii pajšli, vierahodna, u 2011 hodzie dziakujučy asabistym adnosinam pamiž suzasnavalnikam Netflix Rydam Haścinhsam i zasnavalnikam Facebook Markam Cukierbierham.
Jurysty śćviardžajuć, što «na praciahu miesiaca» paśla taho, jak Haścinhs dałučyŭsia da rady dyrektaraŭ Facebook, dźvie kampanii padpisali pahadnieńnie ab abmienie danymi karystalnikaŭ, a ŭ 2013 hodzie — pahadnieńnie ab vykarystańni «Inbox API», jakoje «dazvoliła Netflix prahramny dostup da asabistych paštovych skryń karystalnikaŭ Facebook».
Uzamien Netflix kožnyja dva tydni davała spravazdaču Facebook (u kastryčniku 2021 hady źmianiŭ nazvu na Meta) u jakoj pakazvałasia, jak jaho ŭłasnyja karystalniki ŭzajemadziejničajuć z płatformaj.
U Meta zajavili, što adnosiny kampanii z Netflix źjaŭlajucca zvyčajnaj źjavaj.
Čytajcie jašče:
Biełaruski artyst źniaŭsia ŭ sieryjale ad Netflix i stvaralnikaŭ «Hulni tronaŭ»
Meta vypuściła ŭłasny hienieratar muzyki na bazie ŠI
U Facebook pryznali, što jany skanujuć i praviarajuć pryvatnyja paviedamleńni karystalnikaŭ
Ciapier čytajuć
Andrej Pavuk uładkavaŭsia kiroŭcam tralejbusa ŭ Vilni i raskazaŭ, jak jano9
Kamientary