Łukašenka padpisaŭ zakon «Ab adkaznym abychodžańni z žyviołami»
Pra padpisańnie zakona paviedamiła pres-słužba Łukašenki. Jak śćviardžajecca, «dakumient nakiravany na abaronu žyvioł ad žorstkaha abychodžańnia, a taksama na zabieśpiačeńnie pravoŭ i zakonnych intaresaŭ fizičnych i jurydyčnych asob pry abychodžańni z žyviołami».
Zakonam praduhledžvajecca:
- vyznačeńnie ahulnych pravił abychodžańnia z žyviołami (žyviołami-kampańjonami, łabaratornymi, słužbovymi žyviołami i žyviołami, što vykarystoŭvajucca ŭ kulturnaj dziejnaści i sporcie);
- nadzialeńnie ŭrada paŭnamoctvami pa vyznačeńni pieraliku žyvioł-kampańjonaŭ, jakija padlahajuć rehistracyi, i paradku ich utrymańnia ŭ chatnich umovach;
- zamacavańnie pavyšanych patrabavańniaŭ da ŭtrymańnia niebiaśpiečnych sabak (uładalniki takich sabak buduć abaviazanyja prajści śpiecyjalnyja kursy i atrymać paśviedčańni);
- zabarona na naviedvańnie z žyviołami-kampańjonami (akramia sabak-pavadyroŭ) charčovych kram, arhanizacyj achovy zdaroŭja i adukacyi, abjektaŭ kulturnaj infrastruktury, fizkulturna-spartyŭnych zbudavańniaŭ;
- abmiežavańnie prodažu žyvioł niepaŭnaletnim asobam;
- abaviazak hadavalnikaŭ čypavać prypłod (sabak, katoŭ), jaki pradajecca.
Pry hetym dla ŭładalnikaŭ žyvioł-kampańjonaŭ vyznačajecca prava čypiravańnie hadavancaŭ. Ustanaŭlivajecca taksama miechanizm časovaha abmiežavańnia prava ŭłasnaści na žyviołu i jaje kanfiskacyi za parušeńnie ŭładalnikam umoŭ abychodžańnia z žyviolinaj, što paciahnuła pryčynieńnie škody zdaroŭju hramadzian, žyvioł abo majomaści.
Taksama zakonam vyznačajucca patrabavańni pa stvareńni i dziejnaści punktaŭ časovaha ŭtrymańnia, prytułkaŭ i hatelaŭ dla žyvioł. U pryvatnaści, zabaroniena raźmiaščeńnie takich abjektaŭ u žyłych damach, ustanoŭlenyja ŭmovy ŭtrymańnia žyvioł i ich pieradačy novym uładalnikam.
Asnoŭnyja pałažeńni zakona ŭstupajuć u siłu z 1 studzienia 2025 hoda.
Kamientary
Łukašenka - nichto, i zakony jaho - ništo.