Rasijski hienierał ličyć, što terarystami ŭ «Krokusie» kiravali zachodnija śpiecsłužby praz ušytyja čypy
U jakaści prykładu daradca ministra ŭnutranych spraŭ Rasii pryvioŭ ekśpierymient Iłana Maska.
Uładzimir Aŭčynski — daradca ministra ŭnutranych spraŭ Rasii, eks-kiraŭnik Interpoła Rasii, eks-daradca staršyni Kanstytucyjnaha Suda RF, hienierał-major milicyi ŭ adstaŭcy, 30 sakavika ŭ efiry Pieršaha kanała raspavioŭ svaju viersiju terakta.
Aŭčynski ŭ chodzie abmierkavańnia ŭ studyi paviedamiŭ, što terarysty nie dziejničali samastojna, imi ažyćciaŭlałasia «źniešniaje kiravańnie» dystancyjna. A vyniki pieršych ekśpiertyz, pavodle jaho, pakazali, što tyja, chto napadaŭ, byli pad uździejańniem psichatropnaha rečyva, jakoje jašče nie vyznačana.
«Hetym vyradkam adklučyli śviadomaść. Chutčej za ŭsio, u kompleksie dziejničali psichatropnyja rečyvy, niejropsichałahičnaje prahramavańnie i, mahčyma, heta pakaža ekśpiertyza, čypy ŭstaŭlenyja!» — zajaviŭ Aŭčynski.
Niejrabijałohija dazvalaje kiravać čałaviekam, upeŭnieny hienierał-major. U jakaści prykładu jon pryvioŭ ekśpierymient Iłana Maska, jaki «ź śviniej robić ludziej». «A tut naadvarot», — dadaŭ viadučy.
«Heta nie niejkaja hrupa psieŭda-IDIŁa! A dobra arhanizavany terakt na ŭzroŭni zachodnich śpiecsłužbaŭ! Tolki ŭ ich jość takija srodki ŭździejańnia na ludziej», — arhumientavaŭ svaju viersiju Aŭčynski.
Kampanija biznesmiena Iłana Maska Neuralink raniej užyviła paralizavanamu čałavieku niejračyp, jaki dazvalaje kiravać kampjutaram siłaj dumki.
«My nie možam dapuścić, kab Biełaruś pieratvaryłasia ŭ rasijskuju «kamieru pakarańniaŭ śmierciu» — Cichanoŭskaja
«Toje, što pieražyvaje jon, naŭrad ci chtości niekali zrazumieje». Piaskoŭ — pra reakcyju Pucina na terakt u «Krokusie»
U terakcie ŭ «Krokusie» zahinuŭ pałkoŭnik śpiecnazu HRU rasijskaj armii — tolki pryjechaŭ z Ukrainy
Piaskova spytali, čamu Pucin nie pajechaŭ na miesta trahiedyi ŭ «Krokusie»
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary