Z 28 sakavika fizičnyja asoby ŭ Biełarusi nie mohuć navat zachoŭvać cyvilnyja bieśpiłotniki. Adpaviedny ŭkaz byŭ padpisany jašče ŭ vieraśni, ale jaho pałažeńni ŭstupili ŭ siłu tolki zaraz.
U hramadzian było paŭhoda z momantu aficyjnaha apublikavańnia ŭkaza, kab pradać najaŭnyja ŭ ich bieśpiłotniki arhanizacyjam abo indyvidualnym pradprymalnikam albo pieradać ich na zachoŭvańnie va ŭpaŭnavažanuju arhanizacyju, vyznačanuju ŭradam.
U vyniku prava vykarystoŭvać drony ciapier jość tolki ŭ arhanizacyj i indyvidualnych pradprymalnikaŭ u metach ich pradprymalnickaj i prafiesijnaj dziejnaści, pry hetym treba vykonvać šerah patrabavańniaŭ zakanadaŭstva.
Arhanizacyi i IP, kab zavieźci bieśpiłotnik, pavinny atrymać adpaviedny dazvoł u Departamienta pa avijacyi Ministerstva transpartu i kamunikacyj, jaki viadzie ŭlik takich aparataŭ.
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie10
Kamientary