Urad Francyi padaść u sud na vučanicu-musulmanku, z-za kanfliktu ź jakoj zvolniŭsia dyrektar
Hety kanflikt i daterminovy sychod dyrektara na piensiju z-za pahroz u internecie atrymali ŭ Francyi vialiki rezanans.
Premjer-ministr Francyi Habryel Atal abjaviŭ, što francuzskaja dziaržava padaść u sud na vučanicu-musulmanku paryžskaha liceja, jakaja łžyva abvinavaciła dyrektara škoły ŭ tym, što jon jaje ŭdaryŭ. Dyrektar patrabavaŭ, pavodle zakonu, źniać chidžab, piša Bi-bi-si.
Hety kanflikt i daterminovy sychod dyrektara na piensiju z-za pahroz u internecie atrymali ŭ Francyi vialiki rezanans.
U Francyi z 2004 hoda zabaroniena našeńnie relihijnych simvałaŭ i tradycyjnaha adzieńnia ŭ škołach.
28 lutaha dyrektar paryžskaha liceja imia Marysa Raviela, ubačyŭšy troch vučanic u chidžabach, zahadaŭ im, zhodna z zakonam, źniać ich. Dźvie dziaŭčyny padparadkavalisia, treciaja ž, paŭnaletniaja vučanica z kursa prafiesijnaj adukacyi, admoviłasia i ŭstupiła z dyrektaram u svarku.
Zatym jana padała na dyrektara skarhu, zajaviŭšy, što jon mocna stuknuŭ jaje pa ruce, dyrektar pačaŭ atrymlivać u sacsietkach pahrozy zabojstvam, i ŭ minułuju piatnicu abviaściŭ, što dziela svajoj biaśpieki i biaśpieki liceja daterminova sychodzić na piensiju. Pa płanie jon pavinien byŭ pajści paśla hetaha navučalnaha hoda.
Paźniej francuzskaja prakuratura abjaviła, što praviała rasśledavańnie pa skarzie vučanicy i pryjšła da vysnovy, što heta – iłžyvy danos.
«Nijakaha seksu i palityki». Śvietu pakazali pieršaha androida-musulmanku, jakaja prytrymlivajecca normaŭ šaryjatu
«Kali chočaš sabie druhuju žonku, to dobra, ale bieź mianie». Biełaruska pierajechała ŭ Polšču i pryniała isłam
U Minsku adkryłasia vystava, pryśviečanaja pamiaci Ibrahima Kanapackaha, jaki adradziŭ žyćcio małoha naroda
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie23
Kamientary