Vidavočcy apisvajuć ich jak «ludziej u karyčnievym adzieńni» — «ci kamizelkach, ci kamuflažy».
Pakul dakładna nie viadoma, ni chto jany, ni jakija ich matyvy, ni dzie jany zaraz, piša Bi-bi-si.
Vidavočcy apisvajuć ich jak «ludziej u karyčnievym adzieńni» — «ci kamizelkach, ci kamuflažy». Nichto ź vidavočcaŭ pakul nie ŭdakładniŭ, kolki było čałaviek.
Adzin mužčyna skazaŭ, što nichto ničoha nie vykrykvaŭ. Taksama na ich nie było masak. Inšy vidavočca skazaŭ, što tvary byli zakrytyja chustkami, z-pad jakich vidać byli barody.
Pa videa, jakija źjavilisia paśla napadu na «Krokus», možna mierkavać, što ich było jak minimum troje.
Paźniej Baza paviedamlała, što pravaachoŭnyja orhany šukajuć «čaćviarych mužčyn u kamuflavanaj vopratcy», jakija mahli schavacca ź miesca złačynstva.
Paźniej «RIA Naviny» apublikavała fatahrafiju biełaha aŭtamabila Renault Symbol, na jakim stajali rehistracyjnyja numary Ćviarskoj vobłaści.
Novaja hazieta Jeŭropa identyfikavała pieradapošniaha ŭładalnika aŭtamabila. 24-hadovy mužčyna zajaviŭ, što «prykładna tydzień tamu» pradaŭ mašynu bratu svajoj žonki, jaki ŭ svaju čarhu zajaviŭ, što mašyna patrebnaja jaho siabru.
Rasijskija ŚMI vyśvietlili, što mašyna była pierafarbavanaja — pieršapačatkova jana čornaha koleru.
Atrymałasia atrymać fatahrafiju hetaha aŭtamabila, jaki patrapiŭ na darožnuju kamieru. U mašynie byli bačnyja dvoje mužčyn, ale choć by pryblizna razhledzieć rysy tvaru možna tolki ŭ adnaho — jon u kiepcy, ale vidać, što vałasy ciomnaha koleru, u adzieńni, što čymści nahadvaje kamuflaž, vierahodna, sa ščacinaj. Ci majuć hetyja ludzi jakoje-niebudź dačynieńnie da napadu na «Krokus» — niezrazumieła.
Paźniej źjaviłasia infarmacyja, što siłaviki šukajuć druhi aŭtamabil — Renault Fluence šeraha koleru.
Nijakich aficyjnych paćvierdžańniaŭ hetaj infarmacyi niama.
«Kommiersant» sa spasyłkaj na pravaachoŭnyja orhany śćviardžaje, što ŭ napadnikaŭ, była vajennaja abo strajkbolnaja padrychtoŭka.
Niekalki ananimnych telehram-kanałaŭ napisali, što terarystaŭ «zaŭvažyli» ŭ Branskaj vobłaści, i adnaho ź ich nibyta ŭdałosia zabić. Ale niemahčyma paćvierdzić hetuju infarmacyju.
Aficyjnyja rasijskija orhany zachoŭvajuć maŭčańnie pa hetym pytańni.
Kolkaść zahinułych u vyniku stralaniny ŭ «Krokus Sici Choł» vyrasła da 62 čałaviek
ZŠA pieradavali Maskvie danyja pra padrychtoŭku terakta
Źjaviłasia poŭnaje videa ŭciokaŭ ludziej z «Krokus Choła» paśla pačatku stralaniny
Rasijskija prapahandysty ŭžo viedajuć, chto vinavaty ŭ terakcie
Dźmitryj Miadźviedzieŭ adreahavaŭ na terakt u Maskvie hnieŭnym dopisam z pahrozami Ukrainie
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary