«Bieź ilhot!» U Biełarusi pačali pradavać mašyny, razmytnienyja admysłova dla pierahonu ŭ Rasiju

Pierapłaciŭ 4500 jeŭra, kab mieć mahčymaść pradać u Rasiju

U lutym — pačatku sakavika na biełaruskim aŭtamabilnym rynku naziraŭsia ŭsplosk popytu na aŭto z boku rasijan, jakija chacieli paśpieć uskočyć u apošni vahon. Času zastałosia niašmat. Tamu niekatoryja biełaruskija pradaŭcy ŭžo pačali razmytnivać aŭto bieź ilhot, kab potym mieć mahčymaść pierapradać ich u RF.

Jaskravy prykład takoha aŭto — kabryjalet Mercedes-Benz E-Kłasa 2020 hoda vypusku. Pad kapotam u jaho ruchavik abjomam 3-litry. Mytnyja płaciažy pa poŭnym taryfie abyšlisia ŭ 9000 jeŭra.

Kali b mašynu razmytnili na lhotnika, to suma była by 4500 jeŭra. Navat z ulikam uznaharody lhotniku (umoŭnyja 1000 jeŭra), pradaviec moh by sekanomić na mycie 3500 jeŭra. Ale vyrašyŭ hetaha nie rabić, bo ŭ takim vypadku mašyna była b nie cikavaja pakupnikam z RF. 

Pavialičyć

U apisańni pradaviec akcentuje ŭvahu, što maje na rukach usie aryhinalnyja dakumienty i čeki, jakija paćviardžajuć, što mašyna razmytniena na 100%, a značyć hatovaja dla ekspartu ŭ RF.

Admietna, što, zhodna z bazaj danych mytni, hety Mercedes-Benz razmytnili 1 sakavika — heta paćviardžaje toj fakt, što aŭtamabil pryviezieny mienavita z metaj pieraprodažu.

«Mersedes» za 58 700 dalaraŭ daloka nie adzinaja mašyna ŭ prodažy, jakuju admysłova razmytnili bieź ilhot.

Pavialičyć

Chapaje «razmytnienych na RF» i bolš tannych aŭto, jak Peugeot 508 za $20 500, tak i Audi A4 za 29 tysiač. 

Da niadaŭniaha času aŭtamabili biez vykarystańnia lhot taksama razmytnivali, ale heta nie było masava, dy i ŭ asnoŭnym heta byli mašyny z ruchavikom da 1, maksimum 1,5 litra, dzie roźnica ŭ mycie nie takaja vialikaja.

Taksama zredku ludzi mahli dazvolić sabie razmytnić darahi aŭtamabil bieź ilhot i z bolšym abjomam ruchavika. Naprykład, kali heta byli takija darahija aŭto, jak Porsche Macan abo Volvo XC 90 z 2-litrovymi ruchavikami. 

Dylema dla pierahonščykaŭ

U vypadku z mašynami z abjomam ruchavika bolej za 1,5 litra pradaŭcam daviadziecca vyznačacca, na pakupnikoŭ ź jakoj krainy jany raźličvajuć. Kali vyklučna na ŭnutrany rynak, to jość sens šukać ilhotnika. A kali na RF, to «viešałkaj» moža być luby žychar Biełarusi abo sam pierahonščyk ci niechta ź liku jaho siamji.

Situacyja niečym nahadvaje pačatak 2010-ch, kali na biełaruskim rynku było dva typy aŭto: prachadnyja na Rasiju i Kazachstan (razmytnienyja da 2010 hoda) i nieprachadnyja (razmytnienyja ŭ pieryjad z 1 studzienia 2010 hoda pa 1 lipienia 2011 hoda).

Adpaviedna, krychu adroźnivalisia i ceny na takija mašyny, bo adnyja možna było pierapradać u Rasiju abo Kazachstan, a inšyja byli pryznačanyja tolki dla ŭnutranych pakupnikoŭ.

Čytajcie taksama: 

Kitajski aŭtapram zavajoŭvaje śviet. Nie biez dapamohi Zachadu

U Jeŭrasajuzie mohuć admianić zabaronu na prodaž dyzielnych i bienzinavych aŭto z 2035 hoda

• 6
• 0
• 9
• 8
• 7
• 2
• 7
• 0