Złačynstva jon ździejśniŭ jašče ŭ žniŭni 2023 hoda na bierazie Dniapra.
Jak stała viadoma «Fłahštoku», abvinavačany — 29-hadovy nastaŭnik matematyki adnoj ź siarednich škoł Rečycy. Achviaraj staŭ jaho vučań. Pierad pačatkam hetaha navučalnaha hoda źviestki pra nastaŭnika prybrali z sajta škoły.
Mužčynu abvinavačvali pa troch artykułach: «uciahvańnie niepaŭnaletniaha ŭ antyhramadskija pavodziny» (č.2 art. 173), «raspusnyja dziejańni» (č. 2 art. 169) i «pałavyja znosiny i inšyja dziejańni seksualnaha charaktaru z asobaj, jakaja nie dasiahnuła šasnaccacihadovaha ŭzrostu» (č. 2 art. 168).
Praces prachodziŭ u zakrytym režymie, tamu abstaviny ździajśnieńnia hetych złačynstvaŭ nieviadomyja. Najbolš strohaje pakarańnie praduhledžvaje apošni ź pieraličanych artykułaŭ — ad troch da dziesiaci hadoŭ pazbaŭleńnia voli. Jaki prysud vynies žycharu Rečycy rajonny sud, nie ŭdakładniajecca. Ab hučnym vypadku ničoha nie paviedamlali aficyjnyja krynicy.
6 sakavika Homielski abłasny sud razhladaŭ apielacyju pa hetaj spravie.
Raniej dvaich mužčyn za seks sa školnikami asudzili ŭ Žytkavičach i Naroŭli.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary