Były futbalist zbornaj Niamieččyny Andreas Breme pajšoŭ z žyćcia va ŭzroście 63 hadoŭ. Pryčyna — spynieńnie serca, piša Bild.
Breme pamior u vyniku spynieńnia serca ŭ noč z paniadziełka na aŭtorak u Miunchienie. Jaho dastavili ŭ balnicu, ale vyratavać nie zmahli.
Breme zabiŭ pieramožny hoł niamieckaj nacyjanalnaj kamandy ŭ finale čempijanatu śvietu 1990 hoda z Arhiencinaj (1:0).
Na praciahu svajoj karjery Bremie vystupaŭ za takija kłuby, jak «Bavaryja», «Kajziersłaŭtern», «Inter», «Sarahosa». Bolš za ŭsio matčaŭ niamiecki futbalist pravioŭ u składzie «Kajziersłaŭterna» — 319. U hetych hulniach Bremie adznačyŭsia 53 hałami i 19 vynikovymi pieradačami.
Breme debiutavaŭ u zbornaj Niamieččny 15 lutaha 1984 hoda. U składzie Niamieckaj nacyjanalnaj kamandy jon pravioŭ 86 matčaŭ, u jakich adznačyŭsia vaśmiu hałami.
Kamientary