Ludzi znajomiacca i zavodziać ramantyčnyja adnosiny pa-roznamu. Chtości atrymlivaje mahčymaść sustreć svaju «pałavinku» ŭ padarožžy, kamuści ŭdajecca paznajomicca ŭ sacyjalnych sietkach, a inšym — na pracy. Śpiecyjalisty sajta pa pošuku pracy rabota.by vyrašyli pravieści apytańnie siarod svaich karystalnikaŭ, kab daviedacca, jak jany staviacca da słužbovych ramanaŭ.
U anłajn-apytańni ŭziali ŭdzieł 1685 respandentaŭ, ź jakich kala 70% byli na momant apytańnia pracaŭładkavanymi najomnymi rabotnikami. Amal try čverci respandentaŭ akazalisia ludźmi najbolš aktyŭnaha pracazdolnaha ŭzrostu: ad 24 da 34 hadoŭ i ad 35 da 44 hadoŭ (39,3% i 37,5% adpaviedna).
Pa vynikach apytańnia bolš za 56% śpiecyjalistaŭ paćvierdzili, što byli śviedkami ramanaŭ pamiž kalehami. Pry hetym pra adnosiny pamiž supracoŭnikami z roznych adździełaŭ zhadvali čaściej, čym pamiž kiraŭnikami i padnačalenymi.
Akramia taho, kala 33% apytanych paviedamili, što ŭ ich samich byŭ vopyt ramantyčnych adnosin z kaleham. Siarod ich vialikaja častka śpiecyjalistaŭ była vymušanaja chavać svoj raman na pracy (66,5%).
U toj ža čas dla traciny respandentaŭ słužbovy raman staŭ pryčynaj składanaściaŭ: častka śpiecyjalistaŭ była vymušanaja zvolnicca i znajści novuju pracu, a taksama razhledzieć varyjant pierachodu ŭ inšy adździeł u ramkach kampanii.
Varta adznačyć, što ŭ bolšaści apytanych adnosiny doŭžylisia bolš za 1 hod. Adnak dla bolš čym 60% śpiecyjalistaŭ apošni raman z kaleham skončyŭsia rasstańniem.
Taksama ŭsim respandentam (biez zaležnaści ad vopytu słužbovych ramanaŭ) prapanoŭvałasia padzialicca mierkavańniem, nakolki prydatnym miescam dla adnosin źjaŭlajecca praca.
Krychu bolš za čverć apytanych paličyli, što heta dobry varyjant, kali ŭličyć kolkaść času, jaki praca zajmaje ŭ žyćci.
Novyja plotki i raspalvańnie žarściaŭ u kalektyvie — asnoŭnaja prablema, da jakoj zdolnyja pryvieści słužbovyja ramany. Dadatkova respandenty źviartali ŭvahu na takija składanaści, jak:
- złoŭžyvańnie słužbovym stanoviščam;
- adsutnaść asabistaj prastory, kali zakachanyja amal 24/7 razam;
- źmiešvańnie asabistych i prafiesijnych intaresaŭ;
- dadatkovy stres.
Praviła «2-2-2» — prostaja kancepcyja ščaślivych adnosin
«U mianie nie było seksu dva hady, niahledziačy na kolkaść achvotnych sa mnoj pieraspać». Biełaruska raskazała, čamu žyvie bieź intymu
«Maci zajšła ŭ pakoj spytać, što ja chaču na śniadanak, a my ź dziaŭčynaj hołyja». Jak heta — žyć z baćkami, kali tabie za 30?
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada46
Kamientary