Mužčyna, jakoha złavili ŭ aŭtobusie biez kvitka, nazvaŭsia čužym imieniem. Vyniki horšyja, čym kali b zapłaciŭ štraf
Žychar Minska jechaŭ u hramadskim transparcie, nie zapłaciŭ za prajezd i jaho złavili kantralory. Zamiest kaho, kab nazvać svajo imia, jon daŭ źviestki svajho kalehi, a tamu praz peŭny čas pryjšła kvitancyja na apłatu štrafu. Paśla taho ŭsio zakruciłasia dla nieščaślivaha zajca zusim niespadziavana, paviedamlaje sb.by.
Niezasłužana aštrafavany čałaviek pryjšoŭ na pryjom da ŭčastkovaha i raskazaŭ, što atrymaŭ list z paviedamleńniem ab tym, što suprać jaho zaviali spravu za nieapłatu štrafu za bieźbiletny prajezd u hramadskim transparcie. Ale jon sam nie moh zrabić takoje parušeńnie ŭ pryncypie, bo transpartam nie karystajecca.
Nieŭzabavie vyśvietliłasia, što čužym imiem pradstaviŭsia były kaleha mužčyny, ź jakim raniej jany pracavali ŭ adnoj arhanizacyi. Parušalnika chutka vyličyli. Jon tłumačyŭ, što, maŭlaŭ, dumaŭ, što za heta nikomu ničoha nie budzie. Adnak u vyniku suprać jaho raspačali kryminalnuju spravu za niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych.
Ciapier parušalniku pahražaje pakarańnie ŭ vyhladzie hramadskich rabot, štrafu, aryštu, abmiežavańnia voli terminam da dvuch hadoŭ abo pazbaŭleńniem voli na toj ža termin.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary