«Našy hory pačali śmiardzieć». Alpinistaŭ, jakija łaziać na Evierest, abaviazali prybirać za saboj fiekalii
Ludziam, jakija padymajucca na Evierest, ciapier daviadziecca prybirać svaje fiekalii i prynosić ich nazad u bazavy łahier dla ŭtylizacyi, piša Bi-bi-si. Novaje praviła ŭvioŭ municypalitet, jaki achoplivaje bolšuju častku hetaha rehijona.
«Našy hory pačali śmiardzieć», — kanstatavaŭ Minhma Šerpa, staršynia sielskaha municypaliteta Pasanh Łchamu. Z-za ekstremalnych tempieratur ekskremienty, pakinutyja na Eviereście, nie raskładajucca całkam.
«My atrymlivajem skarhi na toje, što na kamianiach bačnyja čałaviečyja sparažnieńni, a niekatoryja alpinisty zachvorvajuć. Heta nieprymalna i padryvaje naš imidž», — zaŭvažyŭ Minhma.
Alpinistam, jakija sprabujuć padniacca na samuju vysokuju haru ŭ śviecie i najbližejšuju da jaje haru Łchaczie, budzie zahadana kupić u bazavym łahiery śpiecyjalnyja miaški dla fiekalijaŭ, jakija buduć pravieranyja paśla viartańnia.
Ciapier idzie zakupka ŭ ZŠA kala 8 tysiač miaškoŭ prykładna dla 400 zamiežnych alpinistaŭ i 800 čałaviek dapamožnaha piersanału dla siezonu ŭzychodžańniaŭ, jaki pačniecca ŭ sakaviku.
Jak adznačaje Bi-bi-si, śmiećcie zastajecca vielizarnaj prablemaj na Eviereście i inšych harach rehijonu, asabliva ŭ łahierach, raźmieščanych vyšej bazavych stajanak, niahledziačy na štohadovyja kampanii pa prybirańni.
Choć aficyjnych źviestak nie isnuje, pavodle ekśpiertnych acenak, pamiž pieršym łahieram kala padnožža Evieresta i čaćviortym łahieram, bližej da viaršyni, znachodzicca kala troch ton čałaviečych ekskremientaŭ. Pałova hetaj kolkaści — na pieravale Paŭdniovaje siadło.
«Tut amal niama lodu i śniehu, tamu paŭsiul možna ŭbačyć čałaviečyja sparažnieńni», — adznačyŭ mižnarodny horny hid Stefan Kiek.
Čytajcie taksama:
Traŭmavanaha biełarusa źniali sa skały amal na samym krai śvietu
64-hadovaja biełaruska padniała BČB-ściah nad adnoj z najvyšejšych hor śvietu
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary
Druhoj vopros, čto bio-otchody voobŝie nie opasnyje, eto nie płastik i nie zahazovannosť.