Traŭmavanaha biełarusa źniali sa skały amal na samym krai śvietu
U Arhiencinie sa skały na vostravie Vohniennaja Ziamla ŭ vyniku praciahłaj načnoj vyratavalnaj apieracyi źniali 29-hadovaha biełaruskaha turysta, jaki atrymaŭ traŭmu. Pra heta paviedamlaje miascovaja vyratavalnaja słužba, piša sajt «Biełaruś i śviet».
U aŭtorak, 6 lutaha, kala 19.00 viečara členy adnaho z alpinisckich kłubaŭ, jakija zajmalisia skałałažańniem, prainfarmavali, što ŭ rajonie skałaŭ Pjedras-Naranchas, raźmieščanych pamiž ściežkami da voziera Łahuna Eśmieralda i lednika Ocha-del-Albina, znachodzicca paciarpieły čałaviek, jaki prosić pra dapamohu.
Nieadkładna była arhanizavanaja ratavalnaja apieracyja, u jakoj uziali ŭdzieł supracoŭniki niekalkich arhanizacyj. Paśla taho, jak jany prajšli pa ściežcy, prykładna ŭ 23.40 z turystam byŭ ustalavany kantakt.
Vyśvietliłasia, što mužčyna paškodziŭ ščykałatku i nie moh ruchacca sam. Jamu akazali pieršuju dapamohu i stali rychtavać da evakuacyi.
Spusk pačaŭsia kala 01.30. Paciarpiełaha nieśli na nasiłkach. A zaviaršyłasia vyratavalnaja apieracyja ŭ 04.00, kali turyst byŭ adpraŭleny na mašynie chutkaj dapamohi ŭ balnicu nasielenaha punkta Ušuaja — administracyjnaha centra pravincyi Vohniennaja Ziamla. Jon, darečy, ličycca samym paŭdniovym horadam płaniety.
«Dvojčy ŭvajści ŭ raku Ła-Płata majmu pakaleńniu nie dadziena». Biełaruskaja pierakładčyca prajšła arhiencinskimi ściežkami starych uspaminaŭ
Vajny nie budzie. Vieniesueła i Hajana damovilisia nie źviartacca da siłavoha vyrašeńnia kanfliktu
«Drevy akazalisia bolš tryvałymi za damy». Biełaruskaja pierakładčyca prajšłasia pa ŭruhvajskaj stalicy ściežkami starych uspaminaŭ
Nieskładanaja lehalizacyja, dabrabyt, ale tradycyjnaja mańjana. Biełarus pierajechaŭ ź siamjoj va Uruhvaj
Ciapier čytajuć
Cichanoŭski — biełarusam: «Kali vy čakali znak, to voś jon». Prajšła pres-kanfierencyja z vyzvalenymi palitviaźniami43
Kamientary