Izrail znajšoŭ kamandny punkt CHAMAS u tuneli pad štab-kvateraj AAN
Armija abarony Izraila vyjaviła tunel i štab CHAMAS pad hałoŭnym budynkam Blizkaŭschodniaha ahienctva AAN dla dapamohi palestynskim uciekačam i arhanizacyi rabot (UNRWA) u siektary Haza. Pra heta paviedamiŭ CACHAŁ u subotu, 10 lutaha.
Štab-kvatera UNRWA znachodzicca ŭ horadzie Haza, siarod paŭnočnych rajonaŭ, jakija izrailskija vojski i tanki zachapili ŭ pačatku čatyrochmiesiačnaj vajny suprać kirujučaj isłamisckaj hrupoŭki CHAMAS.
CACHAŁ pravioŭ ekskursiju dla žurnalistaŭ. Uvachod u šachtu znachodziŭsia pobač sa škołaj kala kompleksu AAN. Pa słovach padpałkoŭnika armii, jaki pravodziŭ ekskursiju, dvaccać chvilin chady pa dušnaj śpiakocie, vuzkim i miescami źvilistym prachodam pryviali ich pad štab-kvateru UNRWA.
Tunel, daŭžynia jakoha, pa słovach vajskoŭcaŭ, składała 700 mietraŭ, a hłybinia — 18 mietraŭ, miescami razdvojvaŭsia, utvarajučy bakavyja pakoi. Tam było ofisnaje pamiaškańnie sa stalovymi siejfami, jakija byli adkryty i pustyja. Adno pamiaškańnie było zapoŭnienaje kampjutarnymi siervierami, inšaja — pramysłovymi akumulatarnymi batarejami.
Pa słovach izrailskich vajskoŭcaŭ, elektraenierhija ŭ tuneli padavałasia mienavita sa štab-kvatery AAN.
CACHAŁ ličyć, što heta byŭ adzin z centralnych kamandnych punktaŭ raźviedki CHAMAS.
U svajoj zajavie UNRWA paviedamiła, što vyzvaliła štab-kvateru 12 kastryčnika, praź piać dzion paśla pačatku vajny, i tamu «nie moža paćvierdzić ci inšym čynam prakamientavać» izrailskuju znachodku.
AAN pačało ŭnutranaje rasśledavańnie, a šerah krain-donaraŭ zamarozili finansavańnie UNRWA z-za abvinavačańniaŭ Izraila, što niekatoryja z supracoŭnikaŭ AAN adnačasova zjaŭlajucca bajevikami CHAMASa.
Palestyncy abvinavacili Izrail u falsifikacyi infarmacyi z metaj zaplamić UNRWA, jakoje zabiaśpiečvaje pracaj 13000 čałaviek u Siektary Haza i ŭžo šmat hadoŭ zjaŭlajecca vyratavalnym kruham dla nasielnictva, jakoje zaležyć ad dapamohi. Ahienctva kiruje škołami, klinikami pieršasnaj miedycynskaj dapamohi i inšymi sacyjalnymi słužbami, a taksama raźmiarkoŭvaje dapamohu, apisvajučy svaju dziejnaść jak vyklučna humanitarnuju.
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali11
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary