U Biełarusi sioleta płanujuć zapuścić vytvorčaść vakcyny ad raku. Kali ŭsio atrymajecca
Adnak vakcynaj hety preparat nazyvajecca tolki ŭmoŭna, nasamreč heta składanaja hienietyčnaja kanstrukcyja dla lačeńnia złajakasnych puchlin.
Vytvorčaść vakcyny ad raku «Jelenahien» raźličvajuć pačać u ŭ 2024 hodzie. Pra heta zajaviŭ namieśnik dyrektara pa navukovaj rabocie RNPC ankałohii i miedycynskaj radyjałohii, prafiesar, akademik NAN Biełarusi Siarhiej Krasny padčas pres-kanfierencyi, piša Tochka.by.
Vakcynaj hety preparat nazyvajecca tolki ŭmoŭna, nasamreč heta składanaja hienietyčnaja kanstrukcyja dla lačeńnia złajakasnych puchlin. Tamu i tak ciažka naładzić vypusk preparata.
«Heta takaja kalcavaja malekuła. …Pa-pieršaje, składana sfarmavać samu hetuju kanstrukcyju, pa-druhoje, prybrać usie prymieški, jakija tam źjaŭlajucca, — tak zvanyja endataksiny. Heta vielmi składana, u Rasii takoje nie zmahli zrabić. Spadziajemsia, što ŭ Biełarusi ŭsio ž taki atrymajecca», — raspavioŭ prafiesar.
Ale pakul leki skončylisia, a daśledavańni prypynienyja — navukoŭcy čakajuć, kali budzie naładžanaja vytvorčaść.
Preparat raspracavaŭ amierykanski malekularny bijołah Aleks Šnajder, jašče da pandemii ŭ Biełarusi pravodzilisia kliničnyja daśledavańni.
Praviarali «Jelenahien» na piaci łakalizacyjach puchliny, jakija praź niejki čas lačeńnia akazvalisia ustojlivymi da ŭsich viadomych mietodyk i preparataŭ. Daśledavali trypletniehatyŭny rak małočnaj załozy, mietastatyčny rak straŭnika i padstraŭnikavaj załozy, chimijarezistentny rak jaječnikaŭ i harmonarezistentny rak pradstalovaj załozy.
Pa raku straŭnika nijakaha prahresu nie vyjaŭlena: DNK-vakcyna akazałasia tut nieefiektyŭnaj. Abmiežavanaja efiektyŭnaść — pry raku padstraŭnikavaj załozy, daśledavańni byli časova prypynienyja.
A voś samyja šmatabiacalnyja vyniki byli atrymany ŭ pacyjentaŭ z chimijarezystentnym rakam jaječnikaŭ. Biełaruskija ankołahi vyniki nazyvajuć unikalnymi: siaredni čas da prahresavańnia zachvorvańnia pavialičyŭsia ŭ 2,5 razu, a ŭ 40% pacyjentak adznačany praciahły pieryjad biez prahresavańnia — na praciahu troch apošnich hadoŭ.
Dobryja vyniki byli i pry raku małočnaj i pradstalovaj załoz, ale tam jašče treba budzie pravieści daśledčuju pracu.
Vakcyna — heta ŭmoŭnaja nazva dla takich preparataŭ, pa sutnaści, jany nie akazvajuć prafiłaktyčnaha efiektu, a dapamahajuć u lačeńni ŭžo najaŭnych zachvorvańniaŭ i robiać puchlinu znoŭ ŭraźlivaj dla lekaŭ, jakija pierastali dapamahać.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary